Էմանուել Մակրոնի Մեծ Բրիտանիա կատարած պետական այցի վերջում երկու երկրները համաձայնեցին փորձնական ծրագիր, որի համաձայն՝ [անլեգալ] միգրանտներին կվերադարձնեն Ֆրանսիա, միաժամանակ շարունակելով օրինական ճանապարհով ժամանածներին ընդունել թագավորություն։

Սա Լոնդոնի հիմնական նպատակն էր։ Ներգաղթի հարցերով համաձայնագիր կնքելը կարևոր էր Մեծ Բրիտանիայի վարչապետի համար, ում վրա ճնշում է գործադրվում Լա Մանշի նեղուցով անլեգալ անցումների աճի պատճառով։ Ֆրանսիայի նախագահի Մեծ Բրիտանիա կատարած պետական այցը եզրափակող 37-րդ ֆրանս-բրիտանական գագաթնաժողովում Քիր Ստարմերն ու Էմանուել Մակրոնը հայտարարեցին «կարևոր» համաձայնագրի մասին՝ անլեգալ միգրանտների հոսքը կասեցնելու վերաբերյալ։

Նորթվուդի ռազմակայանում գտնվելիս Քիր Ստարմերը ողջունեց միգրանտների վերադարձի «հեղափոխական» ծրագիրը, որը կսկսեն իրականացնել «մի քանի շաբաթից»։ Այս «առանձնահատուկ կարևոր փորձնական ծրագրի» պայմաններով՝ նավակներով ժամանող միգրանտները «կձերբակալվեն և արագ կարտաքսվեն Ֆրանսիա»։ Փոխարենը՝ Ֆրանսիա վերադարձված յուրաքանչյուր անձի դիմաց «մեկ այլ միգրանտի կթույլատրվի մուտք գործել Մեծ Բրիտանիա վերահսկվող, անվտանգ և օրինական ճանապարհով»։ Ծրագիրը նպատակ ունի վերացնել միգրանտների ապավենը անօրինական ճանապարհով անցնելուն և խախտել մարդկանց տեղափոխություն կազմակերպողների տնտեսական մոդելը։

Վարչապետը ողջունեց ֆրանսիական իրավապահ մարմինների մեթոդիկայի փոփոխությունը, որոնք այսուհետ կկարողանան ստուգել միգրանտների նավակները ծանծաղուտներում։ Նախկինում, միջազգային ծովային իրավունքի համաձայն, նրանք չէին կարող միջամտել ծովում գտնվող նավերի շարժին և միայն օգնում էին դժբախտ պատահարների ժամանակ։ Էմանուել Մակրոնը հաստատեց, որ կանոնները կփոփոխվեն՝ հարմարվելով օրինախախտների նոր մեթոդներին, որոնք այժմ օգտագործում են «տաքսի-նավակներ»՝ իրենց ուղևորներին Լա Մանշի մյուս ափ հասցնելու համար։

**Լա Մանշի անլեգալ անցումների ռեկորդային թիվ**

Ֆրանսիայի նախագահը ողջունեց «ուժեղ և նոր, հիմնարար որոշումները», հիշեցնելով, որ Մեծ Բրիտանիայի Եվրամիությունից դուրս գալը ոչ միայն չբարելավեց անլեգալ միգրացիայի իրավիճակը, այլև ավելի սրեց այն։ Բրեքզիտից հետո «անլեգալ սահմանանցում ցանկացողների համար չկա ո՛չ այլընտրանքային օրինական ճանապարհ, ո՛չ էլ վերադարձի մեխանիզմ, և ներկա իրավիճակը փաստորեն խրախուսում է անօրինական մուտքը»,— նշեց ֆրանսիացի առաջնորդը։ Նա գոհություն հայտնեց «1-ը 1-ի» սկզբունքով փոխանակման մասին պայմանավորվածությունից, որը «կբացի օրինական ճանապարհ» Մեծ Բրիտանիա մուտք գործելու համար՝ միաժամանակ չբացառելով «վերադարձման» գործընթացը։

Էմանուել Մակրոնը պարզաբանեց, որ համաձայնագիրը կներկայացվի Եվրոպական հանձնաժողովի հաստատմանը, քանի որ այն ներառում է մի շարք երկրների (Իտալիա, Իսպանիա, Հունաստան) համագործակցություն։ Նշված երկրների ներկայացուցիչներն արդեն անհանգստություն են հայտնել, որ Դուբլինի համաձայնագրի համաձայն իրենց կվերադառնա մեծ թվով միգրանտներ։ Բացի այդ, Փարիզը նաև ողջունեց Լոնդոնի պատրաստակամությունը՝ ավելի կտրուկ պայքարել անլեգալ աշխատանքի դեմ, քանի որ Էլիզեյան պալատը բազմիցս նշել է, որ Մեծ Բրիտանիայում այս ոլորտի թույլ կարգավորումը միգրանտների համար գրավիչ գործոն է։ Քիր Ստարմերը խոստացավ անցկացնել «առանց նախադեպի» ստուգումներ։

Հաշվարկներով՝ այսպիսով Ֆրանսիա կարող է վերադարձվել յուրաքանչյուր 17-րդ միգրանտը, ով նավակով ժամանել է Մեծ Բրիտանիա։ Վերջին վիճակագրության համաձայն՝ դա տարեկան կկազմի 2600 միգրանտ, հաշվի առնելով, որ 2024 թվականի հուլիսի 7-ից մինչև 2025 թվականի հուլիսի 6-ը բրիտանական ափ է հասել 44,444 մարդ։ Եթե միտումը պահպանվի, 2025 թվականը կարող է ռեկորդային դառնալ։ Այս տվյալները հրապարակվել են այն ֆոնին, երբ միայն հինգշաբթի օրը Դուվր հաջողությամբ հասել է 250-ից ավելի միգրանտ։ Նույն օրը թագավոր Չարլզ III-ը այցելեց բրիտանական ծովային փրկարարական կայան, որտեղ զրուցեց նավակի անձնակազմի հետ, որ փրկել էր միգրանտներին։

**Le Figaro-ի ընթերցողների մեկնաբանություններ**

**écusette de noireuil**
Ամբողջական հիմարություն։ Մակրոնին խաբեցին, իսկ մենք բոլորս դարձանք զոհ։ Ծիծաղելի կլիներ, եթե այս ամենը Ֆրանսիայի համար տրագեդիա չլիներ։

**anonyme**
Մաքրոնականություն, ինչպես միշտ։ Նա իսկապես ռազմավարական մտածողություն ունի, բայց այն միայն Ֆրանսիային վնաս է հասցնում։

**Kazula**
Ամեն օր Մակրոնը Ֆրանսիան մի քիչ ավելի խորացնում է անդունդում։

**Anonyme**
Անգլիացիներն ակնհայտորեն ինչ-որ կոմպրոմատ ունեն Մակրոնի վրա, հակառակ դեպքում այդպիսի հիմարություն անելը պարզապես անհնար կլիներ։

**sbdb**
Այս նախագահը բացարձակապես անընդունակ քաղաքական գործիչ է, և նա ավելի ու ավելի է վախեցնում։

**breton29**
Սեփական երկրի դավաճանությունը՝ ահա Մակրոնի հիմնական և առաջնային զբաղմունքը… աղետ։

**Toutfoulcamp**
Մակրոնը հպարտությամբ է խոսում համաձայնագրի մասին, որը Ֆրանսիան դնում է անբարենպաստ դիրքում։ Նա ստիպված կլինի անընդհատ ավելի շատ միգրանտներ ընդունել։ Շուտով գա 2027-ը (Ֆրանսիայում հաջորդ նախագահական ընտրությունների տարի)։