Սննդամթերքի անվտանգության տեսչական մարմնի Երևանի կենտրոնի աշխատակիցները խստացրել են վերահսկողությունը “Արմ Միթ” ՍՊԸ-ի մսամթերքի արտադրամասում՝ գտնվող Երևանի Ներքին Չարբախ թաղամասում։ Ստուգման ընթացքում արտադրական տեսակներից (ապրանքանիշ՝ “ARMENIA MEETFOOD”) վերցված նմուշներն ուղարկվել են լաբորատոր հետազոտության։ Այս մասին տեղեկացնում է Սննդի անվտանգության տեսչական մարմինը։

Լաբորատոր հետազոտության արդյունքների համաձայն՝ երկու արտադրանքներում հայտնաբերվել են խախտումներ․

• “Կոտլետներ սառեցված մսային աղացած կիսապատրաստվածք” արտադրանքի նմուշը (արտադրման ամսաթիվ՝ 22.06.2025) պարունակել է բորբոսասնկային կուտակումներ և ախտածին սալմոնելաներ,
• “Վետչինա Պրեմիում” արտադրանքի նմուշը (արտադրման ամսաթիվ՝ 29.06.2025) չի համապատասխանել ՄԱՔՍԱՆՔ (մեզոֆիլային աերոբ և ֆակուլտատիվ անաերոբ միկրոօրգանիզմների քանակություն) սահմանված չափանիշներին՝ խախտելով Մաքսային Միության տեխնիկական կանոնակարգերը։

Արտադրամասում այս երկու արտադրատեսակների (“Կոտլետներ սառեցված մսային աղացած կիսապատրաստվածք” և “Վետչինա Պրեմիում”) արտադրությունը ժամանակավորապես դադարեցվել է։ Տեսչական մարմինը ձեռնարկությանը ժամկետ է նշանակել խախտումները վերացնելու համար։

Նշված է նաև, որ “Արմ Միթ” ՍՊԸ-ին հանձնարարվել է՝

1. Անվտանգության չափանիշներին չհամապատասխանող խմբաքանակի վաճառքն արգելել,
2. Արդեն շուկա հասած արտադրանքը հետկանչել,
3. Ոչ պիտանի արտադրանքը ոչնչացնել կամ վերամշակել։

Կազմվել է համապատասխան կարգադրագիր, որի մանրամասները հրապարակված են Սննդի անվտանգության տեսչական մարմնի պաշտոնական հաղորդագրության մեջ։