**ԻՀՊԿ-ն հայտարարել է, որ ցանկացած ագրեսիա կարագացնի Իսրայելի ոչնչացումը**

Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ ցանկացած ագրեսիվ գործողություն կարող է արագացնել Իսրայելի կործանումը: Այս մասին հաղորդում է Mehr լրատվական գործակալությունը:

Հայտարարությունը տարածվել է 1982 թվականին Լիբանանում իրանցի դիվանագետների, այդ թվում՝ գեներալ Հաջ Ահմադ Մոթավասելյանի առևանգման 42-րդ տարելիցի կապակցությամբ: ԻՀՊԿ-ն նշել է, որ Իսրայելը և նրա դաշնակիցները պետք է գիտակցեն, որ իրենք անվտանգ չեն իրենց անցյալի հանցագործություններից, իսկ ցանկացած նոր ագրեսիա կարող է հանգեցնել Իսրայելի կառավարության անկմանը:

Ավելի վաղ` ուրբաթ օրը, Իրանի արտաքին գործերի նախարարությունը կրկին կոչ է արել ստեղծել փաստահավաք հանձնաժողով` Լիբանանում 1982 թվականին առևանգված դիվանագետների ճակատագիրը պարզելու համար:

Նախարարության հայտարարության մեջ, որը հրապարակվել է դիվանագետների առևանգման 43-րդ տարելիցի առթիվ, նշվում է, որ Իսրայելը պատասխանատու է իրանցի քաղաքացիների առևանգման համար և պարտավոր է համագործակցել միջազգային կազմակերպությունների հետ այս հարցի լուծման համար:

1982 թվականի հուլիսի 4-ին Բեյրութում առևանգվել են Իրանի ռազմական կցորդ Ահմադ Մոտովասելյանը, դեսպանատան աշխատակից Թաքի Ռաստեգար Մոքադդամը և IRNA լրատվական գործակալության լուսանկարիչ Քազեմ Ախավանը: