Ռուսաստանի քաղաքացիների անձնագրերը պետք է փոխարինվեն, եթե տերերի արտաքին տեսքը զգալիորեն փոխվել է հիվանդության կամ պլաստիկ վիրահատության արդյունքում։ Այս մասին ՏԱՍՍ-ին տեղեկացրել է Ռուսաստանի ՆԳՆ մամուլի կենտրոնը՝ լրատվական գործակալության հարցմանը պատասխանելիս։

«Անձնագիրը ենթակա է փոխարինման, եթե հիվանդության կամ բժշկական միջամտության հետևանքով տիրոջ դեմքի զգալի փոփոխություններ են գրանցվել»,- նշվել է մամուլի կենտրոնի հաղորդագրությունում՝ հղում անելով Ռուսաստանի Դաշնության քաղաքացու անձնագրի վերաբերյար օրենքին։

Ներքին գործերի նախարարությունը նաև հստակեցրել է, որ անձնագիրը կճանաչվի որպես անպիտան հետագա օգտագործման համար, եթե խախտված են դրա անվտանգության տարրերը։ Սա հանգեցնում է նրան, որ դառնում է անհնար՝ հաստատել փաստաթղթի իսկությունը կամ ապահովել պաշտպանություն դրա վրա նշված տեղեկությունների, նկարների, մանրամասների կամ այլ տվյալների նկատմամբ անվավեր փոփոխություններից։

Բացի այդ, փաստաթուղթը կհամարվի անվավեր նաև այն դեպքում, երբ մաշվածության կամ մեխանիկական վնասվածքի պատճառով վնասվել կամ կորել է անձնագրի էջը կամ դրա որոշ մաս։ Այսպիսի վնասվածքները խոչընդոտում են փաստաթղթի մանրամասների, համապատասխան տեղեկությունների և դրանց բովանդակության հստակ վիզուալ որոշմանը։