**Վթար Գեղարքունիքում. երեքը վնասվածքներով հոսպիտալացվել են**

Հունիսի 25-ին, ժամը 15:30-ի սահմաններում, Սոթք-Վարդենիս ավտոճանապարհին վթար է տեղի ունեցել։ Իրադարձության հետևանքով երեք անձինք տեղափոխվել են բուժհաստատություն։

Ըստ նախնական տվյալների, Գեղարքունիքի մարզի 33-ամյա բնակիչ Նորայր Մ․-ն իր վարած «Լադա» մակնիշի ավտոմեքենայով փորձել է վազանց կատարել մեկ այլ մեքենայի՝ 31-ամյա Արթուր Մ․-ի «Sitrak» բեռնատարին։ Սակայն վարորդը կորցրել է վերահսկողությունը, դուրս եկել երթևեկելի գոտուց և կողքի են խփել։

Վթարի հետևանքով Նորայր Մ․-ն, ինչպես նաև ուղևորները՝ 24-ամյա Հայկազ Գ․-ն և 32-ամյա Արմեն Ա․-ն (բոլորը Գեղարքունիքի մարզի բնակիչներ), մարմնական վնասվածքներով տեղափոխվել են Վարդենիսի բժշկական կենտրոն։

Տեղում աշխատել են փրկարարները, ոստիկանությունը և քննչական մարմինները։ Վարդենիսի հրշեջ-փրկարարական ջոկատը հոսանքազրկել է ավտոմեքենան և ապահովել անվտանգությունը։ Ոստիկանությունը սահմանազատել է տարածքը և փաստեր հավաքել։

Քրեական գործը հարուցվել է Վարդենիսի քննչական բաժնում։

**Ծանուցում.**
Օրենքով, հանցագործության մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ դատարանի վճռով։

Լուսանկարները՝ Սևակ Սահակյանի