ՄԵՔՍԻԿՈ, հունիսի 27. Կոլումբիայի սահմանադրական դատարանը որոշում է կայացրել, որ երկրի նախագահ Գուստավո Պետրոյի նկատմամբ հետաքննություն անցկացնելու լիազորությունները չեն տրված Ազգային ընտրական խորհրդին (CNE): Դա վերաբերում է 2022 թվականի նախընտրական արշավի ֆինանսավորմանը կապված ենթադրյալ խախտումներին: Այդ մասին հայտնել է ներքին գործերի նախարար Արմանդո Բենեդետին։ «Սահմանադրական դատարանը նախագահական անձեռնմխելիությունը ճանաչեց՝ որոշելով, որ միակ մարմինը, որը կարող է դատել նախագահ Գուստավո Պետրոյին, մեղադրանքների հանձնաժողովն է (ներկայացուցիչների պալատ)», գրել է Բենեդետին իր սոցիալական ցանցում։

Այսուհետ դատարանը հինգ օրվա ընթացքում պետք է նյութերը փոխանցի կոնգրեսի ներկայացուցիչների պալատի մեղադրանքների հանձնաժողովին, որն իրավասու է հետաքննություն անցկացնել պետության ղեկավարի նկատմամբ։

Ընտրական խորհուրդը պաշտոնական քննություն սկսել էր 2024 թվականի հոկտեմբերին՝ մի շարք գանգատներ ստանալուց հետո։ Դրա պատճառ էին դարձել կասկածները, որ նախագահական արշավը Fecode և USO արհմիությունների արգելված աղբյուրներից միջոցներ է ստացել, ինչպես նաև՝ չհրապարակված ծախսերը քարոզարշավի և դիտորդների աշխատանքի համար։

Ընդհանուր առմամբ, Պետրոյի արշավի ծախսերը, որոնք գերազանցել են օրենքով սահմանված սահմանաչափերը, ենթադրաբար կազմել են մոտ 1,27 մլն դոլար։

Նախագահ Պետրոն դրանից հետո խորհրդի գործողությունները անվանել է «պետական հեղաշրջման ձև» և երկրի անկայունության հասցնելու փորձ։

2025 թվականի ապրիլին նախագահը Սահմանադրական դատարան է բողոք ներկայացրել իր իրավունքների խախտման մասին՝ նշելով, որ միայն խորհրդարանն իրավասու է իր նկատմամբ կարգապահական կամ քրեական գործեր համարել։