Սլովակիայի վարչապետ Ռոբերտ Ֆիցոն վետո է դրել ԵՄ-ում Ռուսաստանի դեմ պատժամիջոցների 18-րդ փաթեթի ընդունման վրա։ Դա տեղի է ունեցել Բրյուսելում անցկացված Եվրոպական Միության գագաթնաժողովի ժամանակ։

Ըստ տեղեկատվության՝ Ֆիցոն օգտագործել է իր վետոյի իրավունքը, ինչի հետևանքով պատժամիջոցների նոր փաթեթի քննարկումը հանվել է օրակարգից։ Ավելի վաղ նմանատիպ առարկություններ էր հայտնել նաև Հունգարիան։

Մինչև գագաթնաժողովը Սլովակիայի ղեկավարը բանակցություններ է վարել Եվրահանձնաժողովի նախագահ Ուրսուլա ֆոն դեր Լայենի հետ, սակայն կողմերը համաձայնության չեն եկել։ Եթե հարցը հասներ քվեարկության, Հունգարիայի վարչապետ Վիկտոր Օրբանը նույնպես կարող էր աջակցել Ֆիցոյին։

Ուշադրության է արժանի, որ Սլովակիան ու Հունգարիան դեմ են արտահայտվել ԵՄ-ի՝ մինչև 2028 թվականը ռուսական նավթից ու գազից հրաժարվելու ծրագրին։ Առաջին անգամ նրանք արգելափակել էին փաթեթի հաստատումը դեռևս հունիսի 23-ին, երբ երկրների արտգործնախարարները՝ Պիտեր Սիյարտոն ու Յուրայ Բլանարը, պահանջել էին բացառել այն կազմակերպության էներգետիկ քաղաքականությունից։

Դիվանագիտական շրջանակներում նշում են, որ Բրատիսլավան ու Բուդապեշտը կարող են վերանայել իրենց դիրքորոշումը՝ էներգետիկայի ոլորտում զիջումներ ստանալու դեպքում։ Գագաթնաժողովից առաջ Օրբանը լրագրողներին հայտնել էր, որ ստացել է «շատ լավ առաջարկ» և տեսնում է փոխզիջման հնարավորություն, սակայն ընդգծել է, որ բանակցությունները դեռ շարունակվում են։