ԱՄՆ նախագահ Դոնալդ Թրամփը հայտարարել է, որ «շատ զարմացած է» Վլադիմիր Պուտինից և կարծում է, որ Ռուսաստանի նախագահին «մոլորեցրել են»։

Հարցին՝ արդյոք Պուտինը տարածքային հավակնություններ ունի Ուկրաինայից դուրս, Թրամփը պատասխանել է. «Դա հնարավոր է»։

«Ես մի բան գիտեմ. նա կցանկանար կարգավորել իրավիճակը։ Նա կցանկանար դուրս գալ այս իրավիճակից, նրա համար դա լիակատար խառնաշփոթ է», — ասել է ԱՄՆ նախագահը։

Թրամփը նշել է մի քանի հակամարտություններ, որոնք ԱՄՆ-ն «կարգավորել է», այդ թվում՝ Հնդկաստանի և Պակիստանի միջև վերջերս տեղի ունեցածը։ Նա նաև շեշտել է, որ իր կարծիքով Ուկրաինայի և Ռուսաստանի միջև պատերազմը պետք է ավարտված լիներ արդեն։

ԱՄՆ նախագահը կարծում է, որ Պուտինին «մոլորեցրել են» և ավելացրել. «Իրականում ես շատ զարմացած եմ։ Ինձ թվում էր՝ այդքան հեշտությամբ կարգավորենք դա»։

«Վլադիմիր Պուտինը իսկապես պետք է դադարեցնի այդ պատերազմը։ Մարդիկ են մահանում», — ասել է Թրամփը։

«Կտեսնենք՝ կարո՞ղ ենք ինչ-որ բան տրամադրել։ Գիտեք, դրանք շատ դժվար է ձեռք բերել։ Մեզ նույնպես դրանք անհրաժեշտ են։ Մենք դրանք մատակարարում ենք Իսրայելին։ Եվ դրանք աներևակայելի արդյունավետ են։ Եվ այո, Ուկրաինան դրանցից ամենաշատն է ուզում։ Դա շատ լավ հարց է», — նշել է նա։