Իսրայելի ռազմավարական հարցերով նախարար Ռոն Դերմերն հրաժարականի դիմում է ներկայացրել վարչապետ Բենիամին Նեթանյահուին։

Անցյալ շաբաթ հաղորդվել էր, որ Դերմերը հրաժարական կտա՝ իր պարտականությունների մի մասը հանձնարարելով ԱՄՆ-ում Իսրայելի դեսպան Եչիել Լեյտերին։

Հրաժարականի դիմումում Դերմերը նշել է, որ 2022 թվականի դեկտեմբերին կառավարության անդամ դառնալով՝ իր ընտանիքին խոստացել էր նախարարի պաշտոնում ծառայել երկու տարի։ Նա հավելել է, որ երկու անգամ երկարաձգել է իր լիազորությունները՝ ընտանիքի օրհնությամբ։

«Առաջին անգամ՝ Իրանի միջուկային սպառնալիքը լուծելու, երկրորդ անգամ՝ Գազայում պատերազմի դադարեցման և պատանդների վերադարձի համար»,- ասվում է նրա հայտարարության մեջ։

Դերմերը շնորհակալություն է հայտնել Նեթանյահուին իրեն ծառայելու հնարավորություն ընձեռելու համար։

 «Այս կառավարությունը կմնա հիշողության մեջ հոկտեմբերի 7-ի հարձակմամբ և հաջորդող պատերազմով։ Ես ապագայում դեռևս կաջակցեմ հրեա ժողովրդի ապագայի համար»,- նկատել է նա:

Դերմերը, ով ծնվել է ԱՄՆ-ում, հայտնի է որպես Նեթանյահուի ամենամոտ խորհրդականներից մեկը՝ զբաղվելով դիվանագիտական ​​հարցերով, ներառյալ ԱՄՆ-ի հետ հարաբերությունները, Գազայի պատերազմի պատանդների բանակցությունները և արաբ հարևանների հետ հարաբերությունները։

Հայտնի է, որ կառավարությունում հրաժարականից հետո Դերմերը կշարունակի զբաղվել որոշ հարցերով, ինչպես օրինակ Աբրահամի համաձայնագրերի ընդլայնումը։ Նա կծառայի որպես Նեթանյահուի հատուկ դեսպան։

Թրամփի վարչակազմի հետ կապերը վերաբերող պարտականությունները փոխանցվելու են Լեյտերին, որը կմնա Վաշինգտոնում, որպես դեսպան։