Սիդնեյի համալսարանի մասնագետները համագործակցելով Dewpoint Innovations ընկերության հետ, հաջողությամբ ավարտել են իրենց նոր տանիքի ներկի վեցամսյա փորձարկումը։ Համալսարանի տանիքին տեղադրված տարբեր տեսակի ծածկույթով վահանակներ հավաքել են տվյալներ ժամ առ ժամ՝ տաքացումից, արևային լույսի անդրադարձից և ջրի քանակից։ Այդ ժամանակի ընթացքում ծածկույթները կայունացան ավստրալիական կիզիչ արևի ներքո՝ առանց վնասվելու։

Techkult-ի հաղորդմամբ՝ գիտնականները իրենց մշակման ընթացքում նպատակ ունեին խուսափել ուլտրամանուշակագույն ճառագայթում կլանող կամ արևի լույսը անդրադարձնող նյութերի կիրառությունից: Տանիքների բազմաթիվ տեսակները նման նյութերով են պատված, որ կարող են վնասել շրջակա միջավայրին, ինչպես նաև անտանելի շողշողյուն առաջացնել և քայքայվել մթնոլորտային ազդեցությունների ներքո։ Գիտնականները առաջարկում են պոքր բջիջներից բաղկացած նանոկառուցվածք՝ հատուկ բարդ մակերեսային հյուսվածքով։ Լույսը, բջիջների մեջ ընկնելով, անդրադարձվում է ամեն ուղղությամբ՝ այդպիսով ցրելով այն։

Ծածկույթը պատրաստված է պոլիվինիլիդեն ֆտորիդ-կո-հեքսաֆտորպրոպենի հիման վրա։ Փորձարկումների ընթացքում արևի միջին անդրադարձունակությունը կազմել է 97%։ Սա պայմանավորում է ջերմաստիճանի տարբերությունը ծածկույթի և օդի միջև, ինչը ջրային գոլորշու խտացման հնարավորություն է ստեղծում։ Այս պասիվ գործընթացը ծածկույթն ընդունակ է դարձնում տանիքը ջրի հատուկ հավաքման համակարգ վերափոխելու՝ որպես մաքուր ջրի աղբյուր։

Նոր ծածկույթի ջրի հավաքման արդյունավետությունը մեծապես կախված է կլիմայական և եղանակային պայմաններից։ Միջինում, այն տարեկան ոչ ավելի քան 30% արդյունավետություն ունի, ինչը հարաբերականորեն ցածր է՝ ապահովելով մինչեւ 4.7 լիտր օրական 12 քառակուսի մետր մակերես ունեցող տանիքի համար։ Այս առանձնահատկությունը որոշիչ է այն ժամանակահատվածներում, երբ անձրև չկա, քանի որ անձրևաջրի հավաքումը դեռ մնում է առավել արդյունավետ։ Այդուհանդերձ, այս համակարգը կարող է լինել մեծ աջակցություն չորային շրջանների համար, եթե ոչ՝ փրկիչ։

Ի տարբերություն նմանատիպ բազմաթիվ զարգացումների, այս նախագիծը արդեն ունի առևտրային իրականացման բնաբանը։ Dewpoint Innovations-ը սկսել է նոր արտադրանքի մասշտաբային ընդլայնումը և իրականացումը։