Չեչնիայից փախստական Այշաթ Բայմուրադովայի ենթադրյալ սպանության օրը նրա երեւանյան բնակարանում գտնվել է նաեւ Չեչնիայի 30-ամյա բնակիչ Սաիդ-Խամզաթ Բայսարովը, ով նախկինում դատապարտվել էր Ռուսաստանում արգելված «Իսլամական պետություն» խմբավորման ֆինանսավորման եւ կողոպուտի համար։ Այս մասին հայտնում է «Օստորոժնո, նովոստի» պարբերականը՝ հղում անելով իր աղբյուրին։

Լրագրողների տվյալներով՝ Բայսարովի ինքնությունը պարզվել է տեսախցիկների ձայնագրությունները վերլուծելուց հետո։ Բացի այդ, ենթադրյալ սպանության օրը Բայմուրադովայի տանն է եղել Կարինա Իմինովա անունով մի աղջիկ, ում հետ չեչնիացին նախատեսում էր հանդիպել։

«Օստորոժնո, նովոստի» հայտնում է, որ Բայսարովը 2018-ին մեղադրվել է «Իսլամական պետության» ֆինանսավորման գործով, սակայն դատարանը հետագայում հանել է նրա մեղադրանքները։ Դատավարություններ են եղել նաեւ նրա դեմ կողոպուտի եւ վարչական կարգով պատժվել կամ դատապարտված լինելու համար մեքենա վարելու հարցերով։ Չեչնիայում բնակվող նրա հայրը բիզնեսով է զբաղվում Գրոզնիում, ավելացնում է պարբերականը։

Բայսարովի ինքնությունը բացահայտելուց հետո ոստիկանությունը հարցաքննել է Բայմուրադովայի հարևաններին նրա մասին, հայտնում է «Օստորոժնո Նովոստի»-ն։ Բայսարովն ու Իմինովան սակայն կասկածյալ չեն ճանաչվել եւ հետախուզման հայտարարված չեն, ընդգծում է SK SOS-ը։

«Հետաքննությունը գիտի այդ մարդկանց անունները, սակայն պաշտոնապես նրանք կասկածյալներ չեն ճանաչվել և հետախույզման տակ չեն հայտարարվել։ Սա մտահոգիչ է, որ գործը կարող է փակվել։ Հարուցված է սպանության գործ, կան վկայություններ ու տեսախցիկների վիդեոներ։ Հանցանքի վայրում կան երկու անձ, որոնք հետո արագ լքել են այն։ Սովորական գործի դեպքում նրանք անմիջապես հետախույզման հայտարարված կլինեին», — նշել են կազմակերպությունից։

Այսօր Երևանում կլինի ցույց, որին կմասնակցեն Բայմուրադովայի ընկերներն ու ծանոթները։ Նրանք նախատեսում են ուշադրություն հրավիրել խնդրի վրա եւ պահանջել մանրամասն հետաքննություն։

Այշատ Բայմուրադովան հոկտեմբերի 20-ին մահացած է գտնվել Երևանի վարձակալած բնակարանում։ «Կովկասն առանց մոր» նախաձեռնության հիմնադիր Լիդիա Միխալչենկոն նշել է, որ ենթադրյալ մարդասպանները, գուցե խեղդամահ են արել չեչեն կնոջը եւ փախել Ռուսաստան։

Բայմուրադովան հեռացել էր Չեչնիայի իր ընտանիքից՝ բռնություններից խուսափելու համար եւ տեղափոխվել Հայաստան, որտեղ նրան աջակցել էին իրավապաշտպանները։ Հոկտեմբերի 17-ին աղջկա ընտանիքը հայտարարեց նրա անհետացման մասին։ Ըստ նրանց, հոկտեմբերի 15-ին Չեչնիացին գնացել էր Instagram-ում իր ընկերուհի Կարինա Իմինովայի հետ հանդիպման, բայց չէր վերադարձել։ Ընկերուհու հետեւորդների մեջ հայտնաբերվել են ևս մարդկանց Չեչնիայի ղեկավար Ռամզան Կադիրովի շրջապատից։

Օմբուդսմեն Մանսուր Սոլտաևը, մի քանի օր անց, Բայմուրադովայի սպանության մեջ քննադատել էր հենց իրավապաշտպաններին։