Վերջին օրերին երեխայի մահվան դեպքի հետ կապված և հանրային ուշադրություն գրաված խնդրի վերաբերյալ զանգվածային լրատվամիջոցներում և սոցիալական ցանցերում տարածվել են տեսանյութեր, որոնցում պատկերված են այլ երեխաներ: Այս հրապարակումները պատրաստվել ու տարածվել են առանց հաշվի առնելու երեխայի լավագույն շահը, «մի՛ վնասիր» սկզբունքն ու պատասխանատու լրագրության ավանդական սկզբունքները: Այս մասին հաղորդում է Մարդու իրավունքների պաշտպանի գրասենյակը:

Մարդու իրավունքների պաշտպան Անահիտ Մանասյանը հատուկ ընդգծում է, որ նման հրապարակումները չեն եղել երեխա-կենտրոն և բացահայտել են զգայուն համատեքստում երեխաների անձնական տվյալները, ինչը հանգեցնում է նրանց ավելի խոցելի դարձնելուն: Պաշտպանն այս իրողությունները անընդունելի է համարում և կոչ է անում խուսափել նման նյութերի ստեղծումից, հրապարակթյունից և տարածումից:

Պաշտպանը առընչվում է, որ երեխաների մասնակցությամբ նյութերի պատրաստումը պետք է իրականացվի էթիկայի կանոնների և պատասխանատու լրագրության սկզբունքների պահպանմամբ՝ ապահովելով երեխաների իրավունքները: Նաեւ կարևոր է երեխաների մասնակցությամբ լուսանկարների և տեսանյութերի պատրաստման ու հրապարակման գործընթացում «մի՛ վնասիր» սկզբունքի և անձնական տվյալների պաշտպանության ապահովումը: Նույնը վերաբերում է երեխաների հետ աշխատող այլ մասնագիտական համայնքներին:

Երեխաների անձնական տվյալներ հրապարակելիս կամ տեղեկատվական ցանցերում տեղադրելիս անհրաժեշտ է պահպանել անձնական տվյալները հասանելի դարձնելու՝ միջազգային և ազգային օրենսդրության պահանջները:

Պաշտպանը ևս մեկ անգամ նշում է, որ անհրաժեշտ են իրականացնել գործուն միջոցներ՝ երեխաների անձնական տվյալների պաշտպանությանը միտված խախտումները բացառելու նպատակով, ինչպես նաև կազմակերպել հանրային իրազեկման արշավներ և վերապատրաստման ծրագրեր: