Իսրայելի ագրեսիվ քայլերը, որոնք վտանգ են ներկայացնում տարածաշրջանի համար, դարձել են Իսլամական համագործակցության կազմակերպության (ԻՀԿ) արտաքին գործերի նախարարների հանդիպման հիմնական թեման։ Հանդիպումը տեղի է ունեցել Ստամբուլում՝ հունիսի 21-22-ին։ Այս մասին հայտնել է Թուրքիայի արտաքին գործերի նախարար Հաքան Ֆիդանը։

«Երկօրյա քննարկումների գլխավոր հարցը Իսրայելի ագրեսիվ գործողություններն էին, որոնք սպառնում են տարածաշրջանային անվտանգությանն ու կայունությանը», – նշել է նախարարը։

Ֆիդանի խոսքով՝ հանդիպման ընթացքում քննարկվել են տարածաշրջանում առկա մարտահրավերները, և ընդունվել է Ստամբուլի հռչակագիրը։ «Այսօրվա հռչակագրով մենք ամբողջ աշխարհին փոխանցել ենք իսլամական երկրների միասնական դիրքորոշումը գլոբալ հարցերի վերաբերյալ։ Ընդունվել է 156 բանաձև, որոնք ուղղված են իսլամական պետությունների և մուսուլման փոքրամասնությունների խնդիրների լուծմանը», – ասել է նա։

Նախարարը նաև հաղորդել է, որ որոշում է կայացվել ստեղծել շփման խումբ՝ կապված Իրանում տեղի ունեցող իրադարձությունների հետ։

«Մենք հանդիսանում ենք Պաղեստինի գործի պաշտպաններ և Պաղեստինի ժողովրդի ձայնը։ Չենք թույլ տա, որ Իսրայելի՝ տարածաշրջանում հակամարտություններ հրահրելու ռազմավարությունը մեզ ստիպի մոռանալ Պաղեստինում կատարվող ցեղասպանության մասին», – ընդգծել է Ֆիդանը։