Կառավարությունում տեղի է ունեցել ԵՄ-Հայաստան ներդրումների համակարգման հարթակի չորրորդ հանդիպումը, որը ղեկավարել են փոխվարչապետ Մհեր Գրիգորյանը և Եվրոպական հանձնաժողովի Արևելյան հարևանության և Թուրքիայի հարցերով տնօրեն Ադրիեն Կիրալին:

Բացման խոսքում փոխվարչապետ Մհեր Գրիգորյանը կարևորվել է Հայաստանի և Եվրամիության միջև հարաբերությունների մակարդակը՝ ընդգծելով այս հարթակի դերը։ Նա նշել է, որ Հայաստան-Եվրամիություն քաղաքական երկխոսությունը և ընդլայնվող գործընկերության օրակարգը հիմնված են կայուն զարգացման, տնտեսական աճի և տարածաշրջանի դիմակայունության առավելացման ուղղություններով։ Այս հարթակը միավորում է ՀՀ կառավարության, Եվրամիության և միջազգային ֆինանսական կազմակերպությունների ներկայացուցիչներին՝ աջակցելու ներդրումներին, որոնք նպաստում են կայուն զարգացմանը և տնտեսական աճին:

Հանդիպմանը քննարկվել են Տնտեսական ներդրումային պլանի իրականացման ընթացքում գրանցված առաջընթացը, ինչպես նաև ընթացիկ և ապագա ներդրումային ծրագրերը:

Այս քննարկումներից առաջ փոխվարչապետը հանդիպում է ունեցել նաև Եվրոպական հանձնաժողովի բարձրաստիճան պատվիրակության հետ՝ քննարկելով ՀՀ-ԵՄ ընդլայնվող գործընկերության օրակարգի հարցերը և բարձր մակարդակի քաղաքական երկխոսության բաղադրիչները: