Սեպտեմբերի 23-ին Մայր Աթոռ Սուրբ Էջմիածնում Գարեգին Երկրորդ Ամենայն Հայոց Կաթողիկոսը հյուրընկալեց «Save Armenia» հուդայա-քրիստոնեական դաշինքի տնօրեն Մաթիաս Պերտուլլային և դաշինքի ղեկավար խորհրդի անդամ, քաղաքացիական իրավունքի պաշտպան, քրիստոնեական հավատքի դեսպան, դոկտոր Ալվեդա Քինգին, ով Մարտին Լյութեր Քինգ կրտսերի զարմուհին է։ Մայր Աթոռը ներկայացրեց հանդիպման մանրամասները։

Ամենայն Հայոց Կաթողիկոսն իր երախտագիտությունը հայտնեց դաշինքի ներկայացուցիչներին՝ աջակցում ցույց տալու համար Հայաստանին և հայ ժողովրդին, ինչպես նաև միխարկա հարթակներում հայության ձայնը լսելի դարձնելու ջանքերի համար։

Քննարկման ընթացքում անդրադարձ կատարվեց այն մարտահրավերներին, որոնց բախվում է Հայաստանը, նաև տարածաշրջանային անվտանգության խնդիրներին։ Եղած խնդիրների կապակցությամբ Վեհափառ Հայրապետը արտահայտեց իր մտահոգությունները՝ մասնավորապես Ադրբեջանից ներկայացվող պահանջների, Բաքվում պահվող հայ ռազմագերիների, արցախահայերի իրավունքների և Ադրբեջանի կողմից հայկական հոգևոր-մշակութային ժառանգության յուրացման ու ոչնչացման վերաբերյալ։

Նորին Սրբությունը վրա տվեց այն երկրների և միջազգային հանրության ջանքերի կարևորությունը, որոնք նպատակ ունեն տարածաշրջանում արդար և կայուն խաղաղություն հաստատելու։

«Save Armenia» դաշինքի ներկայացուցիչներն իրենց զորակցությունը հայտնեցին Հայոց Եկեղեցուն և հայ ժողովրդին՝ կիսելով մտահոգությունները արցախահայերին ուղղված ոտնահարված իրավունքների և Արցախի հայկական հոգևոր-մշակութային ժառանգության պահպանման վերաբերյալ։

Նրանք շեշտեցին, որ այս խնդիրները շարունակելու են բարձրաձայնվել Միացյալ Նահանգների պետական բարձրագույն մակարդակով՝ ապահովելով, որ Հայաստանը չմոռացվի համաշխարհային իրադարձությունների հորձանուտում։