ԱՄՆ գաղտնի ծառայության աշխատակիցները Նյու Յորքի մի քանի վայրերում ապամոնտաժել են էլեկտրոնային սարքերի ցանց, որը կարող էր խափանել քաղաքի բջջային հեռախոսի կապը։ Այս մասին հաղորդում է NBC News-ը։

Պաշտոնյաները հայտնել են, որ այս համակարգը օգտագործվել է բարձրաստիճան ամերիկացի պաշտոնյաներին ուղղված անանուն մահացու սպառնալիքներ փոխանցելու և միաժամանակ հանցավոր նպատակներով։

Նրանց տեղեկացմամբ՝ գաղտնի ծառայությունն առածներից 35 մղոն հեռավորությամբ 5 կետում հայտնաբերել է ավելի քան 300 SIM քարտերի կենտրոնական սերվերներ և 100 հազարից ավել SIM քարտեր մեկտեղված։

Գործակալները նշել են, թե համակարգը կարող էր օգտագործվել հանցավոր գործունեություններում, քանզի այդ վայրերում գտնվել են նաև 80 գրամ կոկաին, անօրինական զենքեր, համակարգիչներ և բջջային հեռախոսներ։

«Այդ սարքերը թույլ են տվել ապահովել անանուն և կոդավորված կապ հանցավոր խմբավորումների ու պոտենցիալ վտանգավոր անձանց միջև՝ նրանց հնարավորություն տալով գործել աննկատ,» ասել է Նյու Յորքի գաղտնի ծառայության ղեկավար Մեթ ՄըքՔուլը։ «Այդ ցանցը կարող էր անջատել բջջային կապի աշտարակները՝ կաթվածահար անելով Նյու Յորքի բջջային ցանցը»։ ՄըքՔուլը հավելել է, որ այժմ կատարվում է հետաքննություն, պարզելու՝ արդյոք այս ցանցը նախատեսված էր օգտագործել ՄԱԿ-ի Գլխավոր ասամբլեայի խափանման համար, որը այս շաբաթ ծրագրավորված է Նյու Յորքում։