Սիրիայի նախագահ Ահմադ Շարաան հանդիպել է Ռուսաստանի փոխվարչապետ Ալեքսանդր Նովակի գլխավորած պատվիրակության հետ Դամասկոսի Ժողովրդական պալատում։ Հանդիպման ընթացքում քննարկվել են երկկողմ հարաբերությունների խորացման և տարբեր ոլորտներում համագործակցության ամրապնդման հարցեր։

Հանդիպման ընթացքում Սիրիայի Արտաքին գործերի նախարար Ասաադ Հասան Շաիբանին անդրադարձել է նախկին նախագահ Բաշար Ասադի կառավարման շրջանին՝ նշելով, որ ժառանգել են դժվարին խնդիրներ, ներառյալ քիմիական զենքի օգտագործման հարցերը։

Շաիբանին ընդգծել է Ռուսաստանի հետ Սիրիայի «խորը» հարաբերություններն ու նշել, որ համագործակցությունը կշարունակվի վերակառուցման, էներգետիկայի, գյուղատնտեսության և առողջապահության ոլորտներում։

«Որքան ավելի կայուն լինի Սիրիան, այնքան ավելի շատ համագործակցության հնարավորություններ կբացվեն: Իսկ հակառակը՝ կվտանգավերի խաղաղությունը»,- ասել է նախարարը։

Նա հավելել է, որ Սիրիան փնտրում է վստահելի գործընկերներ, և ռուսական համագործակցության հաջողությունը կոճկում է նոր հնարավորություններ ինքիշխանության, արդարության ու փոխադարձ շահերի վրա հիմնված հարաբերությունների զարգացման համար։

Ալեքսանդր Նովակը հաստատել է իր երկրի աջակցությունը Սիրիայի միասնությանը և կայունությանը։ Նա շեշտել է Մոսկվայի ցանկությունը՝ աջակցել տնտեսական համագործակցության վերականգնմանը՝ համատեղ կառավարական կոմիտեի աշխատանքը խթանելով։

Նովակը ընդգծել է, որ ռուս-սիրիական հարաբերությունները հիմնված են փոխադարձ հարգանքի վրա, և իր երկիրը ձգտում է այդ հարաբերությունների զարգացման։ Նա նշել է նախագահ Ահմեդ Շարաայի նախատեսված այցը Մոսկվա՝ ռուս-արաբական գագաթնաժողովին մասնակցելու նպատակով՝ որպես հարաբերությունների զարգացման կարևոր հնարավորություն։

Նովակը նաև մտահոգություն է հայտնել Իսրայելի ագրեսիաների և Սիրիայի հարավում որոշ տարածքների բռնազավթման վերաբերյալ՝ նշելով, որ այդ գործողությունները ապակայունացնում են Սիրիայում ու տարածաշրջանում իրավիճակը։