ԵԱՀԿ Մինսկի խմբի լուծարումը խիստ հակասում է Հայաստանի պետական շահերին և խախտում է ԵԱՀԿ-ի սկզբունքները, նշել է նախկին ՄԻՊ Արման Թաթոյանը։

«Այս որոշումը հակասում է մարդու իրավունքների պաշտպանության միջազգային համակարգին և նպաստում է ուժի միջոցով հարցերի լուծմանը, ինչը վտանգի տակ է դնում խաղաղության սկզբունքը: Հայաստանի ղեկավարությունը մասնակցել է այս գործընթացին՝ իշխանությունն ու «խաղաղության» գաղափարը կեղծ միջոց դարձնելով»,- նշել է Թաթոյանը։

ԱՄՆ-ում օգոստոսի բանակցություններից հետո Ադրբեջանի ամրապնդած քաղաքականությունը չի փոփոխվել։

Ադրբեջանի նախագահը կրկին հանդես է եկել ՀՀ սահմանադրության փոփոխությունների պահանջով, դա անվանելով «խաղաղության պայմանագրի» խոչընդոտ։

«Արևմտյան Ադրբեջան» համայնքի ղեկավարը, որը նաև Ադրբեջանի խորհրդարանի պատգամավոր է, հայտարարել է, որ Արևմտյան Ադրբեջան վերադառնալու գաղափարը դարձել է համազգային սկզբունք։ Նրա խոսքով, Ադրբեջանի փախստականների վերադարձն իրենց հայրենիք՝ Հայաստանի տարածքում, հանդիսանում է երկու երկրների միջև վստահության և կայունության կարևոր պայման։ Նշվում է, որ մարդկանց ցուցակագրումները սկսվել են տարիներ առաջ։

Ադրբեջանի իշխանությունները նաև «Արևմտյան Ադրբեջանի» «ապագա» բնակիչների համար ID քարտեր են տրամադրում, ինչը վկայում է այդ գաղափարի պետական աջակցությունը։

Պատերազմական հզորացմանը զուգընթաց, Ադրբեջանը խիստ հետևում է, որ Հայաստանը նոր ռազմական համագործակցություն չվերսկսի։

Այս հանգամանքները ցույց են տալիս վտանգները Հայաստանի ինքնիշխանության և պետականության համար՝ դարձնելով խաղաղության մասին խոսեցնելը անհնարին։ ՀՀ իշխանությունն ու կառավարական պրոպագանդան այս պայմաններում շարունակում են խաղաղության մասին խոսակցությունները՝ իշխանության պահպանության նպատակով»,- գրել է Թաթոյանը։