Live Science-ը հաղորդում է, որ Պերուի հյուսիսարևմտյան ափին գտնվող Պուեմապե տաճարային համալիրում հնագետները հայտնաբերել են մոտ 2300 տարվա վաղեմության մի խորհրդավոր դամբարան։

Դամբարանը պարունակում էր դեմքով դեպի ներքև թաղված տասնյակից ավելի կմախքներ։ Նրանցից շատերը կապված էին պարաններով և ձեռքերով կապված մեջքի ետևում։ Նման թաղումները Անդյան շրջանի հնադարյան պատմության մեջ շատ հազվադեպ էին։

Պեղումների ղեկավար, Սան Մարկոսի ազգային համալսարանի պրոֆեսոր Հենրի Տանտալայանը ենթադրում է, որ սա կարող է լինել պաշտամունքային մարդկային զոհաբերությունների տեղ։ Որոշ կմախքներ ունեն վնասված գանգեր, և դամբարանում չկան սովորաբար հանդիպող թաղման զոհաբերություններ, ինչը անսովոր է տարածաշրջանի համար։

Դամբարանը կառուցվել է մ.թ.ա. 400-ից 200 թվականներին, այն դեպքում երբ տաճարը արդեն գոյություն ուներ մոտ երեք հազար տարի։

Տանտալեյանը նշում է, որ հնարավոր է, որ այս զոհաբերությունները կատարվել են հարգանքի ցուցաբերելու կամ այս լքված տեղանքի հետ կապը վերականգնելու նպատակով։

Թաղվածների ինքնությունը դեռևս անհայտ է մնում։ Նախատեսվում է իրականացնել ԴՆԹ վերլուծություն և այլ ուսումնասիրություններ՝ պարզելու, թե արդյոք նրանք տեղաբնակներ էին, թե այլ տարածքներից։ Այս աշխատանքը ֆինանսավորվում է Հարավային Ֆլորիդայի համալսարանի կողմից, իսկ մասնակիցների թվում է նաև հնագետ Չարլզ Ստանիշը։

Գտածոն հնում Անդյան տարածաշրջանի ծիսական պրակտիկան լավագույն կերպով ներկայացնող օրինակներից մեկն է։ Այն մարտահրավեր է նետում հին Պերուի կրոնական և մշակութային ավանդույթների վերաբերյալ մեր կարծիքներին։