Ռուսաստանի մայրաքաղաք Մոսկվայի Զամոսկվորեցկի շրջանային դատարանը հեռակա կարգով ձերբակալել է Բաշկորտոստանի նախկին լիազոր ներկայացուցիչ Ռոման Սիմանդուևին՝ գաղտնի կրկնակի քաղաքացիության վերաբերյալ քրեական գործի շրջանակում, համաձայն Ռուսաստանի Քրեական օրենսգրքի 330.2-րդ հոդվածին։

Հուլիսի 23-ին դատարանը առգրավել է Սիմանդուևի ունեցվածքը նույն գործով։ Հունսի վերջին ճշտվել է, որ նա գտնվում է դաշնային մակարդակի հետախուզման մեջ։

Գործում նշված չէ, թե որ քաղաքացիությունն է կապված Սիմանդուևի հետապնդման հետ։ Նրա ազգությունը ցուցակում նշված է որպես «ադրբեջանցի», իսկ ծննդավայրը՝ Բաքու քաղաք։

Ռոման Սիմանդուևը 2005-ից 2017 թվականներին աշխատել է Ռուսաստանի նախագահի ներքին քաղաքականության գործադիր գրասենյակում՝ միջին մակարդակի պաշտոնում։

2019 թվականին նա նշանակվել է նախագահի մոտ Բաշկորտոստանի լիազոր ներկայացուցիչ, ինչպես նաև ընդգրկվել է տարածաշրջանային կառավարման կազմում։ 2020 թվականի հոկտեմբերին հրաժարվել է պաշտոնից։

Կարծիք կա, որ Սիմանդուևի քրեական գործը վատթարացած ռուս-ադրբեջանական հարաբերությունների և Եկատերինբուրգում եղբայրներ Սաֆարովների դեպքի պատճառով է։ Դրանց ֆոնին Բաքվում գործողություններ են իրականացվել, ձերբակալվել են «Սպուտնիկ Ադրբեջան»-ի ներկայացուցիչներ։

Ռուսաստանում Էլշան Իբրահիմովին զրկել են քաղաքացիությունից «ազգային անվտանգությանը սպառնալիք հանդիսանալու» համար, որից հետո նա լքել է երկիրը։

Ժամանակին Ուրալի ադրբեջանական սփյուռքի ղեկավար Շահին Շիխլինսկին և նրա որդին ուղարկվել են նախաքննական մեկուսարան՝ իշխանության ներկայացուցչի նկատմամբ ուժի կիրառման մեղադրանքով։