ՀՑԹԻ նախկին տնօրեն և պատմաբան Հայկ Դեմոյանը ֆեյսբուքի իր էջում հայտարարել է հետևյալ տխուր եզրակացությունները Ծիծեռնակաբերդ կատարած այսօր շրջայցի արդյունքներից հետո.

Ա. Հայոց ցեղասպանության զոհերի հուշահամալիրի տարածքում շինարարական աշխատանքների անվան տակ հասցվել է զգալի վնաս, ինչը ուղեկցվել է պետական միջոցների անտրամաբանական օգտագործմամբ և պարունակում է լուրջ կոռուպցիոն ռիսկեր:

Բ. ԿԳՄՍ նախարարությունը, մասնավորապես նախարար Ժաննա Անդրեասյանը, չի ցուցաբերել անհրաժեշտ հետևողականություն շինարարական ընկերության կողմից իրականացվող աշխատանքների նկատմամբ: Օտարազգի աշխատանքային միգրանտների իրականացրած քանդման և ապամոնտաժման աշխատանքների արդյունքում հուշահամալիրին մեծ վնաս է հասցվել:

Գ. 1966-67 թվականներին տեղադրված մույթերի բազալտե քարերը դարձել են խճազանգված, ինչպես նաև նոր բերված շինաքարերի վրա արդեն տեսանելի են վնասվածքի հետքեր, ինչը անհնար է դարձնում դրանց օգտագործումը:

Դ. ԿԳՄՍ նախարարությունը և անձամբ նախարար Ժաննա Անդրեասյանը ցուցաբերել են արհամարհական վերաբերմունք և հանցավոր անփութություն հուշահամալիրի նկատմամբ: Փոխարենը, նախարար Ժ. Անդրեասյանը հայտարարել է մասնագիտական հանձնախմբի ստեղծման մասին, ինչը համարվում է հանցավոր գործելաոճի և սրբավայրի նկատմամբ անտարբեր վերաբերմունքի արտահայտություն:

Հաշվի առնելով վերոբերյալը՝ պահանջում ենք ԿԳՄՍ նախարար Ժաննա Անդրեասյանի հրաժարականը և նրա գործունեության նկատմամբ հետաքննությունը, ինչպես նաև համապատասխան քրեական պատասխանատվության ենթարկումը օրենքի համաձայն: