Հայաստանյան շրջանում կրթության համակարգի խնդիրները շարունակվում են: Սեպտեմբերի 1-ը մոտենում է, սակայն աշակերտներն ու ուսուցիչները կանգնած են դասագրքերի չլինելու դժվարության առջև, ինչը պայմանավորված է ԿԳՄՍ նախարար Ժաննա Անդրեասյանի անզգուշությամբ և անպատասխանատվությամբ։ Ավելին, ամառային արձակուրդներից հետո իրավիճակը ոչ միայն չի փոխվել, այլ նախարարն առաջ է եկել ավելի ագրեսիվ մոտեցմամբ և նոր սանրվածքով:

Հայաստանյան 413.112 աշակերտներ այս տարի դպրոց են հաճախելու առանց անհրաժեշտ դասագրքերի: Ըստ կրթության փորձագետ Սերոբ Խաչատրյանի, բացակայում են ավելի քան տասը դասագրքեր, ներառյալ ֆրանսերեն (5-11-րդ դասարան), Հայոց պատմություն, Քիմիա, Կենսաբանություն, Հանրահաշիվ, ինչպես նաև Ռազմագիտություն դասագրքերը։ ԿԳՄՍ նախարարությունը այս տարի ևս չի կարողացել ապահովել դրանց տպագրությունը:

Սա ոչ միայն վարչարարական ձախողում է, այլ բացահայտ անպատասխանատվություն կրթական համակարգի նկատմամբ, որի հետևանքները կրում են աշակերտները, ուսուցիչները և ծնողները:

Այս իրավիճակին արձագանքելով, ԿԳՄՍ նախարար Ժաննա Անդրեասյանը հանդես եկավ մամուլի ասուլիսով, որտեղ նա ագրեսիվ և վիրավորական ձևով փորձեց քողարկել ձախողումները։

Լրագրողների ներկայացրած հարցերը նա որակեց որպես «իմաստազուրկ», նշելով, որ լրագրողները չունեն իրավական գիտելիքներ.

«Ես չեմ կարող զբաղվել ձեր լրագրողական կրթությամբ…»:

«Ցավում եմ էն կրթական մակարդակի համար, որ տեսնում եմ…»:

«Գնացեք սովորեք՝ օրենքը շրջաբերականից տարբերել…»:

«Հարցերը իմաստազուրկ են, դուք հարց չեք ձեւակերպում…»:

Նման պատկերացմանը կարելի է բնութագրել որպես իշխանական ցինիզմ և ճնշում հասարակության ու լրագրողական ազատության հանդեպ։

Նախարարը նույն ասուլիսում մեղադրեց լրագրողներին՝ նշելով, որ նրանք «մանիպուլացնում» են Ակադեմիական քաղաքի գաղափարը, նշելով, թե այն նախատեսված է 44 հազար ուսանողի համար, իսկ ներկայումս կա մոտ 80 հազար ուսանող։

«Ժողովուրդ» օրաթերթը դիմում է Կոռուպցիայի կանխարգելման հանձնաժողով՝ ծառայողական վարույթ սկսելու նախաձեռնությամբ` ԿԳՄՍ նախարարի վարքագծի վերաբերյալ։ Պետական պաշտոնյան, որը երես է թեքում հանրային հարցերին պատասխանելուց և վիրավորում լրագրողներին, պետք է հայտնվի վերահսկողության տակ։

Հիշեցնենք, որ նախկինում նախարարն անպատասխան մնաց այն իրադարձություններին, որտեղ վարչապետ Նիկոլ Փաշինյանը դպրոցում տեղադրված ցնցուղը պոկեց պատից և ցուցադրաբար նախարարին կարգադրեց ճշտել դրա գինը՝ ցույց տալով անհրաժեշտությունը ճշգրտորեն և արդյունավետ ծախսելու պետական միջոցները:

Ժաննա Անդրեասյանն այսօր էլ չի հայտնել, թե վերջապես այդ ցնցուղն ինչ արժեր և արդյո՞ք պետական միջոցները օպտիմալ ծախսվել էին: