Հայ Յեղափոխական Դաշնակցությունը հաղորդում է․

«Սեպտեմբերի 2-ը սովորական օր չէ, այն մեր ժողովրդի պայքարի և հաղթանակի խորհրդանիշն է, այն օրը, երբ կազմավորվեց հայկական երկրորդ հանրապետությունը՝ Արցախը։

Ներկայումս Հայաստանի, Ադրբեջանի և Թուրքիայի կառավարություններն աշխատում են ստիպել մեզ մոռանալ Արցախի պատմությունը, լուռ համաձայնվել ցեղասպանության հետ և հրաժարվել մեր մարդկային արժանապատվությունից ու իրավունքներից։

Բայց ճշմարտությունը բեկումնային է. Արցախի պատմությունն ավարտված չէ: Մեր ժողովուրդը ունի իրողություններ, որոնք պաշտպանելը ոչ միայն չի վտանգում Հայաստանի Հանրապետությունը, այլև ամրապնդում է այն։

Ադրբեջանի ցեղասպան գործողությունների հետևանքով Արցախում տեղի ունեցած էթնիկ զտման արդյունքում հարյուր հազարավոր արցախահայեր այսօր տնազուրկ են մնացել, սակայն նրանց սրտերում ապրում է նույն երազանքը՝ վերադառնալ իրենց ծննդավայրերը, ապրեցնել ազգային ժառանգությունը և ապրել իրենց հայրենի հողի վրա։

Այս պայքարը ոչ միայն արցախահայության, այլ ողջ հայ ժողովրդի պայքարն է, նաև Հայաստանի պաշտպանությունն է, սա յուրաքանչյուր հայի պայքարն է։

Եվ, չնայած տարբեր հարցերում ունեցած տարաձայնություններին, այս խնդրում մենք պարտավոր ենք միասնական լինել և պաշտպանել մեր իրավունքները։

Ուստի, սեպտեմբերի 2-ին, ժամը 18:30-ին, Ազատության հրապարակում կամփոփվի միասնության մեծ հավաք, որտեղ մենք կհայտարարենք`

Արցախյան հակամարտությունը չի լուծված,

մենք չենք ընդունում մեր անունից ուժի կիրառմամբ և ուժի սպառնալիքով ստորագրված պայմանավորվածությունները,

որոնք ոտնահարում են մեր բոլոր իրավունքները,

ինչպես նաև մնում ենք հաստատակամ պահանջում Բաքվում պահվող հայ գերիների վերադարձը։

Աշխարհը պետք է տեսնի, որ մենք չենք հրաժարվում, չենք մոռանում և շարունակում ենք մեր պայքարը:

Սեպտեմբերի 2-ին, ժամը 18:30-ին, Ազատության հրապարակում միասին՝ հանուն մեր իրավունքների, հանուն Արցախի վերադարձի, հանուն մեր ազգային արժանապատվության, հանուն Հայաստանի Հանրապետության։»