ԱՄՆ նախագահ Դոնալդ Թրամփի վարկանիշը նկատելիորեն բարձրացել է Ռուսաստանի նախագահ Վլադիմիր Պուտինի հետ գագաթնաժողովից հետո։ Այս մասին վկայում են Insider Advantage-ի հետազոտության տվյալները։ Օգոստոսի 15-ից 17-ը անցկացված հարցման համաձայն, ամերիկյան նախագահի աջակցությունը հասել է 54%-ի։ Միևնույն ժամանակ, մասնակիցների 44%-ը դեմ է արտահայտվել նրա գործունեությանը, իսկ 2%-ը դժվարացել է պատասխանել։ Սոցիոլոգները նշում են, որ աջակցությունը հատկապես աճել է աֆրոամերիկացիների և լատինամերիկացիների շրջանում, իսկ սպիտակամորթ բնակչության վարկանիշը մոտեցել է ռեկորդային 64%-ի։ Հետազոտության սխալը կազմել է 3,09 տոկոսային կետ։

Համեմատության համար, YouGov-ի հուլիսյան հարցումը ցույց էր տալիս շատ ավելի ցածր ցուցանիշներ։ Այն ժամանակ Թրամփի աշխատանքին աջակցում էր միայն 41% ամերիկացիներ, իսկ շուրջ 55%-ը դեմ էր արտահայտվում։

Օգոստոսի 15-ին Ալյասկայի ռազմական բազայում տեղի է ունեցել Պուտինի և Թրամփի հանդիպումը։ Հանդիպումը տևել է շուրջ երեք ժամ։ Հանդիպման արդյունքներով մամուլի համար արված հայտարարության ժամանակ Պուտինը նշեց, որ հանդիպման հիմնական թեման եղել է Ուկրաինայի հետ հակամարտության կարգավորումը։ Իր հերթին, ԱՄՆ նախագահը հայտնել է, որ բանակցությունների ընթացքում առաջընթաց է գրանցվել, սակայն ոչ բոլոր հարցերում կողմերին հաջողվել է համաձայնության գալ։