Նիդեռլանդների և Մեծ Բրիտանիայի մասնագետները վերջերս իրականացրած հետազոտությունից հետո ներկայացրել են մոլորակի գետերի դելտաների անհետացման պատճառող 10 հիմնական սպառնալիքները։ Այս ուսումնասիրությունը հրապարակվել է Nature Climate Change ամսագրում։

Գետերի դելտաները գտնվելով ցածրադիր վայրերում, որտեղ դրանք միախառնվում են այլ գետերի կամ ծովերի, բնական միջավայր են ձևավորում։ Սակայն այսօր, կլիմայի փոփոխությունների և մարդու գործունեության բացասական ազդեցության արդյունքում, այդ էկոհամակարգերը վտանգի տակ են հայտնվել։ Հատկապես լուրջ վտանգներ են սպառնում Հռենոսի, Մեկոնգի և Նեղոսի դելտաներին, որոնց ափերին ապրում է շուրջ 500 միլիոն մարդ։

Գիտնականները բացահայտել են դելտաների համար ռիսկերը և դրանք խմբավորել են։ Գետերի դելտաներն անհետացման վտանգի տակ են՝ անտառահատումների, կլիմայի փոփոխությունների, գրունտի փլուզումների, քաղաքների ընդարձակման, բնական պաշարների շահագործման, ստորերկրյա ջրերի արդյունահանման, ինտենսիվ գյուղատնտեսության և պաշտպանական կառույցների կառուցման պատճառով։

Այս սպառնալիքները կանխելու համար անհրաժեշտ է հատուկ մոտեցում՝ հաշվի առնելով յուրաքանչյուր գետի առանձնահատկությունները։ Գիտնականները մշակել են վերլուծության նոր մեթոդ, որը թույլ է տալիս ավելի ճշգրիտ գնահատել ռիսկերը։ Սա կօգնի բնապահպաններին կենտրոնանալ ամենախոցելի տարածքների վրա։