Ռուսաստանի Դաշնության Պետդումայի պատգամավորները նախատեսում են առաջիկայում ներկայացնել նորացված օրինագիծ, որը կսահմանի 1-ից 11-րդ դասարանների անվճար կրթության արգելք միգրանտների երեխաների համար: Այս մասին տեղեկացրել է Պետդումայի աշխատանքի հարցերով հանձնաժողովի նախագահ Յարոսլավ Նիլովը իր Telegram ալիքում։

«Օտարերկրացիների երեխաները պետք է ամբողջական ուսուցում ստանան վճարովի հիմունքներով՝ անկախ տարիքից և դասարանի մակարդակից: Այս ուղղությամբ ճշգրտումներ մեր օրինագծում արդեն արվել են, թեև այն նախկինում մերժվել էր: Այժմ մենք պատրաստում ենք թարմացված նախաձեռնություն՝ այն Պետդումա ներկայացնելու համար ու միջխմբակցային կարգավիճակով», — նշված է հաղորդագրության մեջ:

Միաժամանակ, առաջարկում է սահմանափակում սահմանել՝ իջեցնելով միգրանտների երեխաների համար ռուսաց լեզվի քննության հանձնումը մինչև երեք անգամ:

2024 թվականին խորհրդարանականների խումբը Պետդումա էր ներկայացրել օրինագիծ, որով նախատեսվում էր, որ օտարերկրյա քաղաքացիները մուտք գործեն դպրոց նախադպրոցական, ընդհանուր և միջնակարգ ծրագրերով վճարովի հիմունքներով: Սակայն 2025 թվականի հուլիսին օրինագիծը մերժվել է առաջին ընթերցմամբ, քանի որ, Նիլովի խոսքով, կառավարությունը ընդգծել էր դրա վերանայման անհրաժեշտությունը: