Ծագումով Երևանից, մաթեմատիկոս և Փենսիլվանիայի պետական համալսարանի պրոֆեսոր Միհրան Պապիկյանը, շուրջ 25 տարի ապրում է և աշխատում է ԱՄՆ-ում: Հուլիսին, Երևանում կազմակերպված CIMPA գիտական ամառային դպրոցի շրջանակում, նա ներկայացրեց ավելի քան երեք տասնյակ գիտնականների և ուսանողների էլիպտիկ կորերի և դրանց կիրառությունների մասին:

Հիմնարար և կիրառական մաթեմատիկայի միջազգային կենտրոնի (CIMPA) ամառային դպրոցի նպատակն է խթանել մաթեմատիկայի արդի և կարևոր ուղղությունները Հայաստանում, որոնց թվում են թվերի տեսությունը և ծածկագրությունը:

NEWS.am կայքի «Բա իմացար» ալիքի EXPERT հաղորդման շրջանակում Միհրան Պապիկյանը պատմեց ապագա մաթեմատիկոսների համախմբման նախաձեռնության մասին:

«Ամառային դպրոցն իրականացրել ենք իմ գործընկեր Դիանա Դավիդովայի հետ: Դպրոցում ընդգրկել ենք 10 ուսանողներ Հայաստանից և շուրջ 25-ը՝ աշխարհի տարբեր մասերից՝ այդ թվում ԱՄՆ-ից, Լիբանանից, Իրանից: Շատ էնտուզիաստիկ ուսանողներ կան, և նրանց հետ շփվելն իսկապես համարձակ ձեռնարկություն է: Օրինակ, կա ուսանող, որը Լիբանանից է եկել և պատմում է, որ իրենց տունը ռմբակոծվել է, սակայն նա ձգտում ունի զբաղվել մաթեմատիկայով»,- նշեց մաթեմատիկոսը: Նա նաև հույս հայտնեց, որ հայ ուսանողները, ավարտելով իրենց կրթությունը արտասահմանում, կվերադառնան և կմասնակցեն Հայաստանի մաթեմատիկական զարգացմանը։

Խոսելով մեր երկրում մաթեմատիկայի զարգացման հնարավորությունների մասին, պրոֆեսորը նշեց.

«Ունենք շատ լավ ուսանողներ, սակայն Հայաստանում մաթեմատիկայով գումար վաստակելը բարդ է: Նշանակալի են նաև պետական քաղաքականության դերակատարումը: Եթե այստեղ մաթեմատիկոսները ավել վճարվեն, ապա լավ մասնագետներ կունենանք, ինչը կնպաստի ոլորտի առաջընթացին: Հայաստանի երեխաները, օլիմպիադաների հաղթողները, ապագայի մեծ պոտենցիալ ունեն, նրանց դիրքում տեսնում եմ ոլորտի ապագա զարգացումները»։

Ամբողջական հարցազրույցը՝ տեսանյութում: