Զգայուն դրվագ դատարանի սրահում. փաստաբանը նկարագրում է երեխայի ու մոր բաժանման ցնցող տեսարան

Փաստաբան Զարուհի Փոստանջյանը իր սոցիալական էջում բաժանել է այսօր տեղի ունեցած ցնցող դրվագի մանրամասները, երբ դատարանը որոշում է կայացրել մի քանի ամսական երեխայի մայր Լիանա Հարությունյանին 3 ամսով կալանավորել։

«Վաղուց չէի տեսել արտասվող տղամարդու՝ թաց աչքերով, կաթկթող արցունքներով, ով անզորությունից քարացած կանգնել էր՝ չգիտեր՝ ինչ անի։ Չէի տեսել, որ կարելի է կրծքի երեխային պոկել մորից, ժամերով պահել գրկում՝ չկարողանալով նրան վերադարձնել իր մայրիկին, քանի որ մայրիկն այդ պահին գտնվում էր կալանքի տակ»,– գրում է Փոստանջյանը։

Փաստաբանի խոսքով՝ նա ուղիղ վեց ժամ անձամբ եղել է այս դաժան տեսարանների ականատեսը։

«Այդ ամենը հիշեցրեց մեկ այլ ողբերգություն՝ 1915 թվականը, ցեղասպանության տարիները… Հիշեցի իմ տատիկին, ում ընդամենը վեց ամսական երեխայի հետ աքսորել էին Սիբիր… Չգիտեմ՝ քանի սերունդների ցավ վերապրեցի այսօր դատարանում»՝ շարունակում է նա։

Փաստաբանը հարցեր է տալիս․ «Չգիտեմ՝ ովքե՞ր են այս մարդիկ, ովքեր՞ կարող են նման անմարդկային որոշումներ կայացնել։ Հստակ է մի բան՝ այսօրվա իրականությունը շարունակում է ձևավորվել անարդարության ու խեղված իրավական համակարգի ձեռքով, որտեղ մարդը մնում է տրորված ու անպաշտպան»։

Հավելում է, որ այս պահին երեխան իր մոր հետ գտնվում է «Աբովյան» քաղաքացիական կողոպտվածների հիվանդանոցում, իսկ ինքը՝ փաստաբանը, առաջիկա ժամերին կայցելելու է նրանց՝ իրավիճակի վերաբերյալ ավելի մանրամասն տեղեկություններ ստանալու համար։