Ամերիկյան ԶԼՄ-ները պնդում են, որ ԱՄՆ նախկին նախագահ Դոնալդ Թրամփը իր նախընտրական արշավի ժամանակ պատմել է, որ սպառնացել է Ռուսաստանի նախագադ Վլադիմիր Պուտինին։ Ըստ հաղորդման, Թրամփը իր կողմնակիցների հետ հանդիպումների ժամանակ պնդել է, թե զգուշացրել է Պուտինին` սպառնալով Մոսկվան ռմբակոծել, որպեսզի հետ կանգնեցնի Ուկրաինա վրա հարձակվելու մտադրությունից։

Ամերիկյան CNN հեռուստաընկերությունը ստացել է ծրագրված 2024 թ. նախագահական ընտրություններին նախապատրաստվելու շրջանակում կայացած փակ դռններով խոսակցությունների ձայնագրություններ։ Դրանք պարունակում են Թրամփի հայտարարություններ, որտեղ նա ասում է. «Ես ասացի Պուտինին. «Եթե գնաք Ուկրաինա, ես կոչնչացնեմ Մոսկվան։ Ուրեմն, ես ընտրություն չունեմ»։ Նա ասաց. «Անհնար է», ես էլ ասացի. «Հնարավոր է»»։

Թրամփը նաև պատմում է, որ նման սպառնալիք է ուղղել Չինաստանի նախագահ Սի Ցզինփինին` կապված Թայվանի հետ. «Ես ասացի. «Եթե ներխուժեք Թայվան, մենք կոչնչացնենք Պեկինը»։ Նա մտածեց, թե խելագարվել եմ, ու կրկին հարցրեց. «Պեկին՞»»:

Նա պնդում է, որ եթե ինքը նախագահ լիներ վերջին տարիներին, Ուկրաինայում ու Գազայի հատվածում պատերազմներ չէին լինի։ Նաև սպառնացել է արտաքսել ԱՄՆ համալսարանների ցույցերին մասնակցող օտարերկրյա ուսանողներին։

Հոդվածի ընթերցողների մեկնաբանությունները հեռացված են` համաձայն խնդրանքի։