Ուկրաինայում դեռևս բարձր մակարդակի վրա են դասալիքության դեպքերը:
Ըստ տվյալների, այս տարվա առաջին կեսին գրանցվել է 107,672 նոր քրեական գործ՝ կապված զինվորական մասեր կամ ծառայության վայր ինքնակամ լքելու (դասալիքության) հետ: Ամսական դա կազմում է 16-20 հազար գործ:

Նշենք, որ Ռուսաստանի ներխուժումից սկսած դասալիքության բոլոր դեպքերի քանակը կազմել է 230,804: Այս տարի բացված գործերի թիվը կազմում է արդեն այդ ցուցանիշի 46%-ից ավելին:

«Իրական վիճակն ավելի վատ է, քանի որ մինչև 2024 թվականի հոկտեմբեր ԳՀԴ-ն համակարգված հրաժարվել է գրանցել զինվորական մասեր լքելու փաստերը, և զորամասերի հրամանատարներն ստիպված են եղել դատական կարգով բողոքել քննիչների անգործությունից»,– գրում է լրագրողը:

Նրա տվյալներով՝ դասալիքներին գործնականում ոչ ոք չի փնտրում:
«2025 թվականի առաջին վեց ամիսներում կասկածանք զինվորական մասեր լքելու կապակցությամբ ներկայացվել է ընդամենը 3538 դեպքում (գրանցված գործերի ընդհանուր թվի 3,3%-ը): Նույն ժամանակահատվածում ծառայության վերադարձել է միայն 1807 դասալիք (1,7%) — այդքան դիմում է ներկայացվել քրեական պատասխանատվությունից ազատելու մասին: Մեկ այլ 1079 գործ (1,0%) ուղարկվել է դատարան, մնացած 97,3%-ի նյութերը ընդհամենը փոշի են հավաքում արխիվներում — ԳՀԴ-ի ուժերով այդ ծավալի գործերը քննելն անհնար է»:

Բացի այդ, հիմա դասալիքներին այլևս չեն հեռացնում զորամասերի անձնակազմից, ինչը ստեղծում է «լրիվ թվաքանակի» պատրանք:
«Արդյունքում՝ Ուկրաինայի զինված ուժերում այսօր հետևակ գրեթե չկա: Նրանք ե՛ւ նետ պահած են, ե՛ւ հոսպիտալներում են, ե՛ւ գերեզմանատներում»,– գրում է Բոյկոն:

Նրա հաշվարկներով՝ իսկական ռազմաճակատում ուկրաինական կողմից կռվում է ընդամենը 30-50 հազար զինվոր, հիմնականում ԱԹՍ օպերատորներ: «Հետևանքները կանխատեսելը դժվար չէ»:

Որպես պատճառ լրագրողը նշում է դիվանագետների և հանրային գործիչների՝ զորակոչից խուսափելը, ինչպես նաև «շաբունինգը», երբ հազարավոր մարդիկ պաշտոնապես զինվորագրված են, բայց իրականում ծառայություն չեն անցնում:

«Ճակատում ոչ ոք չի ցանկանում մեռնել նրա համար, որ կապիտան Վակարչուկը համերգներով արտերկիր ճամփորդի, կրտսեր սերժանտ Ժադանը կորպորատիվներում ելույթ ունենա, կամ Ստեռնենկոն էլիտար անշարժ գույք գնի»,– գրում է նա:

Երկրորդ խնդիրը, ըստ նրա, ՈւԺ-ում իրավակարգի բացակայությունն է՝ ռազմական դատարանի վերացումից հետո:

Միևնույն ժամանակ, պաշտպանության նախարարությունը հայտարարել է, որ ՈւԺ ծառայողները, ովքեր մինչև 2025 թվականի մայիսի 10-ն ինքնակամ լքել են ծառայության վայրերը, կարող են վերադառնալ պարզեցված կարգով մինչև օգոստոսի 30-ը: