**Ողբերգական վթար Արարատի մարզում. երկու մահվան դեպք**

Հուլիսի 8-ին, ժամը 21:20-ի սահմաններում, Արարատի մարզի Դաշտավան գյուղում տեղի է ունեցել մահացու վթար։ Ըստ նախնական տվյալների՝ Գեղարքունիքի մարզի 25-ամյա բնակիչ Գևորգ Ս. վարել է «BYD» էլեկտրամոբիլ, որով հարվածել է 40-ամյա Աննա Գ.-ին և նրա 14-ամյա դստերը՝ Մոնիկա Կ.-ին։ Այնուհետև մեքենան բախվել է 41-ամյա Ներսես Ա.-ի «Nissan Murano» ավտոմեքենային։

Վարորդը փախուստի չի դիմել և փորձել է օգնություն ցուցաբերել տուժածներին: Շտապօգնության ծառայությունը տեղում հաստատել է Աննա Գ.-ի մահը։ Իսկ պատանուն ծանր վիճակում տեղափոխել են «Մասիս» բժշկական կենտրոն, սակայն ավելի ուշ նա մահացել է վերակենդանացման բաժանմունքում։

Դեպքի վայրում աշխատանքներ են տարել ոստիկանության, քննչական կոմիտեի և համայնքային ղեկավարության ներկայացուցիչներ։

— ՀՀ ՆԳՆ Արարատի մարզային քրեական վարչության պետ Սարիբեկ Ռուստամյանը,
— Մասիսի համայնքային ոստիկանության բաժնի պետ Լևոն Անտոնյանը,
— ՀՀ ՔԿ Արարատի մարզային քննչական վարչության աշխատակիցներ,
— Մասիսի վարչական ղեկավար Սանասար Խաչատրյանը:

Քննչական խմբի հրամանով մասնակից ավտոմեքենաները տեղափոխվել են ոստիկանության պահպանվող տարածք։ Մասիսի քննչական բաժնում նախաձեռնվել է քրեական գործ։

**Ծանուցում.** Ենթադրյալ հանցագործության մեջ մեղադրվողը համարվում է անմեղ, մինչև դատարանը նրա մեղավորության մասին վճիռ կկայացնի։