ԱՆԿԱՐԱ, 5 հուլիս – Թուրքիայի նախագահ Թայիփ Էրդողանի վարչակազմը հերքել է այն լուրերը, թե Թուրքիան այս տարվա առաջին հինգ ամիսներում Իսրայել 393.7 միլիոն դոլարի ապրանքներ է արտահանել: «Որոշ լրատվամիջոցներում և սոցիալական ցանցերում տարածված այն պնդումը, թե «Թուրքիան առաջին 5 ամիսներին Իսրայել 393.7 միլիոն դոլարի ապրանք է արտահանել», լրիվ սուտ ու հակատեղեկատվություն է: Սա միտումնավոր աղավաղում է, որն ուղղված է հասարակության կարծիքը մանիպուլյացիայի ենթարկելուն և մեր երկրի պաշտոնական ինստիտուտները սևեռելուն: 2024 թվականի մայիսի 2-ի որոշման համաձայն՝ թուրքական պետությունը ամբողջովին դադարեցրել է Իսրայելի հետ բոլոր տեսակի ապրանքների արտահանումը, ներմուծումը և տրանզիտային առևտուրը, ինչպես մաքսատներում, այնպես էլ ազատ տնտեսական գոտիներում», – ասված է Թուրքիայի նախագահի վարչակազմի հաղորդակցության վարչության Հակահակատեղեկատվական կենտրոնի հայտարարության մեջ:

Նշված ամսաթվից ի վեր «ոչ մի մաքսային հայտարարագիր չի գրանցվել մեր երկրից Իսրայել ապրանքների արտահանման կամ ներմուծման վերաբերյալ, ինչպես նաև մեր երկիր չի ժամանել Իսրայելից ոչ մի բեռ», – նշվում է հաղորդագրության մեջ:

«Մյուս կողմից, շարունակում է ակտիվ գործել այն առևտրային մեխանիզմը, որը ստեղծվել է «Թուրքիա-Պաղեստին պետական արձանագրության» համաձայն՝ Թուրքիայի առևտրի նախարարության և Պաղեստինի ազգային տնտեսության նախարարության միջև ստորագրված՝ Պաղեստինի կարիքները բավարարելու համար: Անցյալ տարի Թուրքիայից Պաղեստին արտահանումը կազմել է 797 միլիոն ԱՄՆ դոլար: Սակայն այս առևտուրը մեր պաղեստինյան եղբայրների ու քույրերի հետ իրականացվում է Իսրայելի կողմից վերահսկվող նավահանգիստների միջոցով: Այս համատեքստում այն պնդումը, թե Թուրքիան Իսրայել է ապրանքներ արտահանում՝ հիմնվելով «թերահավատ» իսրայելական տվյալների վրա, պարզապես զրպարտչական քարոզարշավ է, որն ուղղված է մեր պետական ինստիտուտները սևեռելուն ու հանրության կարծիքը շփոթեցնելուն», – նշված է հայտարարության մեջ: