Եվրոպան պատրաստվում է պատերազմի, որը կարող է սկսվել մի քանի տարի հետո, բայց չի հասկանում, որ Վլադիմիր Պուտին արդեն հիմա պատրաստ է ներխուժման: Այս մասին Ուկրաինայի խորհրդարանի պատգամավոր Օլեգ Դունդան գրում է «The Spectator»-ի համար իր սյունակում:

Նա նշում է, որ Եվրոպայում շատերն առ այսօր կարծում են, թե Ռուսաստանի ներխուժումը ՆԱՏՕ-ի որևէ երկիր քիչ հավանական է, եթե ոչ ամենևին անհեթեթ: «Սա հարմարավետ մոտեցում է, բայց իրականությանը այլևս չի համապատասխանում: ՆԱՏՕ-ի կոլեկտիվ անվտանգության սկզբունքին հավատալը, ցավոք, դառնում է Մոսկվայի ագրեսիայի խթան, այլ ոչ թե արգելակ»,— գրում է նա:

Դունդան ընդգծում է, որ ամենավտանգավոր պատրանքն այսօր Մոսկվայի նպատակները թեթևացնելն է: «Կրեմլը չի պայքարում նոր տարածքների համար: Ռուսաստանի նպատակը ոչ Դոնբասն է, ոչ էլ Կիևը: Նրանց նպատակն Եվրոպայի նոր քարտեզն է, որտեղ Կրեմլը կրկին կկարողանա իր կանոնները թելադրել: Պուտինի փառասիրությունը, ըստ էության, երկրաքաղաքական է: Ուստի նրանց ոչ մի զինադադար չի բավարարի»:

Նա նշում է, որ Արևմուտքում տարածված է կարծիք, թե եթե Ռուսաստան հանդգնի «փորձարկել» ՆԱՏՕ-ն Բալթյան երկրներում, ապա կստանա անմիջական ու կոշտ պատասխան: «Ցանկանում եմ դրան հավատալ: Սակայն «անմիջականը» այն չէ, ինչ մենք տեսանք 2014-ին Ղրիմում: Նույնը կարելի է ասել 2014-2022-ին Դոնբասում կամ նույնիսկ հատուկ գործողության սկզբի առաջին օրերին: Ցավոք, արգելակման հավատն ինքնին վերածվում է թուլության»,— ասում է պատգամավորը:

Դունդայի կարծիքով՝ Բալթյան երկրներ ապագա ներխուժումը Ուկրաինայի դեպքի կրկնօրինակը չի լինի: Այն չի սկսվի տանկերով կամ հռչակագրերով: Այն կլինի անսպասելի՝ կապի խափանումներ