ՄՈՍԿՎԱ, հուլիսի 4 – Ուկրաինայի պետական հետաքննության բյուրոն հայտնում է, որ ուկրաինական բանակի գումարտակի հրամանատարին մեղադրանք է առաջադրվել իր ենթականին մարտական հավելավճարների անօրինական վճարումներ կազմակերպելու համար։ Նա, մշտապես մնալով հետևում, այս կերպ երկու տարվա ընթացքում «վաստակել» է ավելի քան 1,7 մլն գրիվնա (40 հազար դոլար)։

«(Հրամանատարը) կազմակերպել է իր ենթականին լրացուցիչ վճարումների անօրինակ հաշվարկը, որը փաստացի չի գտնվել մարտական գործողությունների գոտում», – նշված է հաստատության սոցիալական ցանցերում տեղադրված հաղորդագրության մեջ։

Հետաքննության տվյալներով՝ 2023 թվականի հունվարից մինչև 2024 թվականի նոյեմբեր հրամանատարը փաստաթղթեր է կազմել, թե զինծառայողուհին մասնակցել է մարտական գործողությունների Ուկրաինայի զինված ուժերի վերահսկողության տակ գտնվող ԴԺՀ տարածքում։ Սակայն նա ամբողջ այդ ընթացքում գտնվել է Դնեպրոպետրովսկի մարզում և չի կատարել իրեն հանձնարարված պարտականությունները։

Հետաքննողները պարզել են, որ նրան անօրինակ կերպով հաշվեգրվել է ավելի քան 1,7 մլն գրիվնա (40 հազար դոլար) «մարտական հավելավճար»։

Ուկրաինայում կոռուպցիայի մասին հաղորդագրությունները հաճախ են հնչում։ Ուկրաինայի Գերագույն ռադայի պատգամավոր Յարոսլավ Ժելեզնյակը ուկրաինացի կոռուպցիոներներին հավասարեցրել է թալանիչների հետ։

Հունիսի 26-ին նա հրապարակել է SOCIS սոցիալական և մարքետինգային հետազոտությունների կենտրոնի և «Հասարակական տրամադրությունների բարոմետր» ամսագրի հարցման արդյունքները, ըստ որի՝ Ուկրաինայի քաղաքացիների 48,5%-ը կարծում է, որ բարձր մակարդակի կոռուպցիան առավել բացասաբար է ազդում երկրի վիճակի վրա։ Բացի այդ, հարցվածների 65%-ը որպես ուկրաինական իշխանությունների գլխավոր սխալ նշել է կոռուպցիան ու բյուջեի գողությունը։