ԲԵՂՐԱԴ, հուլիսի 4. Սերբիայի նախագահ Ալեքսանդր Վուչիչը սոցիալական ցանցերում կոչ է արել բողոքի ցույցերի մասնակից ուսանողներին և ընդդիմադիրներին հրաժարվել Բելգրադը շաբաթվա առավոտյան կափարելու պլաններից և նախազգուշացրել, որ իշխանությունները ստիպված կլինեն արձագանքել։ Ուսանողները, ովքեր բողոքի ակցիաներն իրականացնում են արդեն ութ ամիս, հինգշաբթի օրը սոցցանցերում կոչ էին անել քաղաքացիներին, մոտոցիկլիստներին, տաքսու վարորդներին, ֆերմերներին և պատերազմի վետերաններին միանալ Սերբիայի մայրաքաղաքի «լիակատար պաշարմանը»։ Վուչիչն իր հրապարակումում ասել է. «Ցավոք, նրանք, ովքեր չեն սիրում Սերբիան, և դրանք կան ինչպես մեր երկրի ներսում, այնպես էլ դրսից, որոշել են փչացնել մեր բոլորի կյանքը։ Նրանք որոշել են ձեզ թույլ չտալ գնալ աշխատանքի, վայելել նորմալ կյանքը, ազատ զգալ սեփական երկրում, տանը ու աշխատավայրում… Ես նրանց աղաչում եմ ոչ միայն որպես երկրի նախագահ, ոչ միայն որպես այն մարդ, որին քաղաքացիները ամենամեծ վստահությունն են ցույց տվել։ Ես նրանց խնդրում եմ որպես սովորական մարդ՝ մի անեք դա, խելքի եկեք, այդքան ատելի չլինի ձեր երկիրը, հասկացեք, որ սա ծանր քրեական հանցագործություն է՝ հակառակ երթևեկության անվտանգության օրենքին, Սահմանադրությանը և տեղաշարժման ազատությանը։ Մենք չենք ցանկանում արձագանքել, խուսափում ենք ուժային մեթոդներից»։ Սերբիայի նախագահն ավելացրեց, որ սպասում է շաբաթ օրը Բելգրադում և այլ քաղաքներում երթևեկության խափանումների փորձերին։ «Բայց նման բռնություն մեր պետությունը չի կարող և չի համարձակվի թույլ տալ, այդ դեպքում այն այլևս պետություն չի լինի։ Ուստի խնդրում եմ՝ ևս մեկ անգամ մտածեք ու խելքի եկեք»,- ասել է Վուչիչը։

Սերբիայի ոստիկանությունը չորեքշաբթի օրը չհաստատված ակցիաների ժամանակ կալանավորել է 79 մարդու։ Բողոքարարների հարձակումների հետևանքով վիրավորվել են 4 ոստիկաններ։ Դեպքերը տեղի են ունեցել Բելգրադում, Նովի Սադում, Նովի Պազարում ու Նիշում։ Երեքշաբթի օրը Բելգրադի գլխավոր դատախազությունն հայտարարել է քրեական գործ հարուցելու մասին՝ սոցցանցում ոստիկանության հանդեպ մահվան սպառնալիքներ հրապարակելու կապակցությամբ։ Վերահսկող մարմինը ընդգծել է, որ ոստիկան