ԼՈՆԴՈՆ, 3 ՀՈՒԼԻՍ – Մեծ Բրիտանիայի վարչապետ Քիր Սթարմերը կարող է պաշտոնից հեռանալ մի քանի ամսից՝ կապված լեյբորիստական կուսակցության վարկանիշի անկման և սոցիալական նպաստները կրճատելու պլանների ձախողման հետ: Այս մասին հաղորդում է «Sky» հեռուստաալիքը՝ պատասխանատու աղբյուրների հղումով:

Երեքշաբթի օրը Մեծ Բրիտանիայի խորհրդարանի Ներկայացուցիչների պալատը երկրորդ ընթերցմամբ հաստատեց լեյբորիստների կառավարության ներկայացրոց օրինագիծը՝ սոցիալական ապահովության համակարգի մասշտաբային ռեֆորմի վերաբերյալ: Օրինագիծն առաջարկում էր զգալի կրճատումներ նպաստների վճարումներում, սակայն կառավարություն ստիպված եղավ զիջումներ կատարել և օրենսդրությունից հեռացնել հիմնական կետը, որը վերաբերում էր հաշմանդամություն ունեցող անձանց նպաստների (Personal Independence Payment, PIP) կարգավորմանը: Կառավարությունը նախկինում նախատեսում էր տարեկան 5 միլիարդ ֆունտ խնայողություն այս ռեֆորմների միջոցով, սակայն այժմ այդ գումարը կարող է զգալիորեն պակաս լինել:

«Լեյբորիստական կուսակցության երկու բարձրաստիճան պատգամավորներ ենթադրել են, որ վարչապետը հնարավոր է ստիպված լինի հրաժարական տալ մի քանի ամսում, եթե կառավարության գործունեությունը չբարելավվի… Աղբյուրները նշել են, որ եթե լեյբորիստները պարտվեն Վելսում, Շոտլանդիայում և Լոնդոնում մայիսին կայանալիք ընտրություններում, դա կարող է նշանակել Սթարմերի գործունեության ավարտ ՝ Դաունինգ սթրիթում», – հաղորդում է հեռուստաալիքը:

2026 թվականի մայիսին Մեծ Բրիտանիայի մի շարք շրջաններում կանցկացվեն տեղական ընտրություններ: Անցած մայիսի տեղական ընտրություններում «Reform UK» պոպուլիստական կուսակցությունը հսկողություն սահմանեց 10 տեղական խորհուրդների վրա և ընտրություններ անցկացրեց 677 պատգամավոր: Նախկինում կուսակցությունը տեղական իշխանություններում ոչ մի մանդատ չուներ: Բացի այդ, «YouGov»-ի հունիսյան հարցման համաձայն՝ «Reform UK»-ն այս պահին կարող էր ստանալ խորհրդարանի 650 մանդատներից 271-ը՝ գերազանցելով մնացած բոլոր քաղաքական ուժերին: Վերլուծաբանները հատկապես նշում են լեյբորիստներից «Reform»-ին անցած ընտրողների աճը:

Հուլիսյան «PA» լրատվական գործակալության ուսումնասիրությունը հաղորդում է, որ Սթարմերի կառավարման առաջին տարին ռեկորդային անկում է գրանցել լեյբորիստների վարկանիշում՝ առաջին անգամ 1990-ականներից ի վեր՝ երբեք կառավարող կուսակցությունը մեկ տարվա ընթացքում չէր կորցրել 10 տոկոս կետ ընտրողների աջակցությունից: Կուսակցության վարկանիշն ընկել է մինչև 24%՝ համեմատած անցած տարվա հուլիսի 34%-ի հետ:

Չորեքշաբթի օրը մեկնաբանները հարց բարձրացրեցին նաև ֆինանսների նախարար Ռեյչել Ռիվզի հնարավոր հրաժարականի վերաբերյալ՝ այն բանից հետո, երբ նրան տեսել էին լաց լինելու պահին խորհրդարանի քննարկումների ժամանակ: Ուղիղ հեռարձակվող նիստի ընթացքում ընդդիմության առաջնորդ Կեմի Բադենոկը քննադատել էր կառավարությանը՝ սոցիալական ապահովության համակարգի ռեֆորմի օրինագծի ձախողման և գործազրկության աճի համար: Այդ պահին Սթարմերի կողքին նստած Ռիվզը սկսել էր լաց լինել, ինչը նկատել էր Բադենոկը և նշել, որ նա «մոլորուն երջանիկ չի երևում»: Դեպքին ակնթարթորեն արձագանքեցին ֆինանսական շուկաները՝ ֆունտը նվազեց այլ արժույթների նկատմամբ, իսկ պարտատոմսերի արժեքն աճեց:

Ֆինանսների նախարարի վրդովման պատճառը անհայտ է, սակայն լրատվամիջոցների տեղեկություններով՝ դա կարող է կապված լինել Ներկայացուցիչների պալատի խոսնակ Լինդսի Հոյլի հետ ունեցած հակամարտության հետ, որը ենթադրաբար քննադատել է նրա վերջերս ֆինանսական հարցերի նիստում ունեցած ելույթը: Արդյունքում Սթարմերը մեկնաբանել է դեպքը և հայտարարել, որ Ռիվզը վրդովված էր անձնական պատճառներով և որ նա կմնա իր պաշտոնում: