Հունիսի 16-ին Արդշինբանկն ավարտեց Mastercard Business քարտապանների համար կազմակերպված մրցախաղը։ Բանկի YouTube-ի պաշտոնական ալիքում տեղի ունեցավ նվերների առցանց խաղարկությունը։ Պատահականության սկզբունքով ընտրված մասնակիցները շահեցին 3 Apple MacBook Air 13 M4 նոտբուք, իսկ գլխավոր մրցանակը եղավ 5-օրյա ճանապարհորդություն դեպի Արաբական Միացյալ Էմիրություններ՝ երկու հոգու համար։

Հիշատակենք, որ այս մրցախաղին նախորդել է ակցիա, որն անցկացվել է 2025 թվականի հունվարի 3-ից մայիսի 31-ը։ Այդ ընթացքում Արդշինբանկն իր իրավաբանական անձանց և անհատ ձեռնարկատերերին տրամադրել է անվճար Mastercard Business քարտեր՝ 5 տարի անվճար սպասարկմամբ։ Այս քարտերը հնարավորություն են տալիս կատարել կազմակերպության ծախսերի վճարումներ և կորպորատիվ գնումներ։

Մրցախաղին մասնակցելու համար անհրաժեշտ էր, որ քարտապանները նշված ժամանակահատվածում կատարեն առնվազն 5 անկանխիկ գործարք՝ նվազագույնը 300,000 ՀՀ դրամ ընդհանուր գումարով։

Արդշինբանկի մամլո ծառայությունը նշեց, որ հաղթողներից մեկը ֆուտբոլային գործակալություն է, որը զբաղվում է երիտասարդ տաղանդավոր ֆուտբոլիստների հավաքագրմամբ և զարգացմամբ։ Գործակալության հիմնադրի հետ զրույցում պարզ դարձավ, որ շահած MacBook Air-ը կօգնի գործակալությանը ավելի արդյունավետ կազմակերպել իր գործունեությունը՝ հատկապես երբ երեխաները մեկնելու են արտերկիր՝ մասնագիտական վերապատրաստման։

Արդշինբանկը շարունակում է դիջիթալիզացիան՝ իր իրավաբանական հաճախորդներին առաջարկելով Ardshinbank Mobilebusiness բջջային հավելվածը։

Արդշինբանկը Հայաստանի կարևորագույն բանկերից մեկն է՝ առաջարկելով լայն շրջանակի բանկային ծառայություններ մանրածախ, ՓՄՁ, կորպորատիվ և ներդրումային հաճախորդների համար։ Բանկն ունի 410,000-ից ավելի հաճախորդ և 2,200 աշխատակից՝ ծառայություններ մատուցելով 71 մասնաճյուղով և առցանց պլատֆորմներով։

Բանկն ունի Հայաստանում ամենալայն մասնաճյուղային ցանցը, ինչպես նաև ներկայացուցչություն Փարիզում։ Արդշինբանկը Հայաստանի միակ ընկերությունն է, որն ունի Standard & Poor’s (BB- (Stable)), Moody’s (Ba3 (Stable)) և Fitch (BB- (Stable)) վարկանիշային գործակալությունների կողմից հաստատված վարկանիշներ։

Բանկը գործում է ՀՀ Կենտրոնական բանկի վերահսկողության ներքո։