ՄՈՍԿՎԱ, 3 հուլիս — Հիմա, երբ ԱՄՆ-ը որոշել է զենքի մատակարարումները դադարեցնել, Կիևը պետք է մոռանա Վաշինգտոնին մոտենալու հույսերի մասին, գրում է գերմանական Tageszeitung թերթը։

«Շատ ուկրաինացիներ այժմ պատրանքներ չունեն, հատկապես արևմտյան դաշնակիցների ռազմական օգնության վերաբերյալ։ Նրանք ստիպված են գործ ունենալ ԱՄՆ նախագահ Դոնալդ Թրամփի հետ», — ասված է հոդվածում։

Հիշատակվում է, որ Կիևի համար ԱՄՆ-ի զենքի մատակարարումների դադարեցման մասին հայտարարությունը հնչել է ամանավատ պահին, երբ Ռուսաստանի զինված ուժերը ուժեղացրել են հարձակումները։ Հեղինակի խոսքով, Ուկրաինան այսուհետ կարող է մոռանալ Վլադիմիր Զելենսկու և Թրամփի մերձեցման հույսերի մասին։

Երեքշաբթի օրը Politico-ն տեղեկացրել էր, որ ԱՄՆ-ն դադարեցրել է Ուկրաինա զինամթերքի և զենքի մատակարարումները՝ պաշարների սպառման պատճառով։ Սպիտակ տան ներկայացուցիչ Աննա Քելլին հաստատել է տեղեկությունը NBC հեռուստաալիքին՝ նշելով, որ որոշումն ընդունվել է Ամերիկայի շահերը առաջին տեղում դնելու համար։ Ռուսաստանի նախագահի մամլո քարտուղար Դմիտրի Պեսկովը մեկնաբանելով այս լուրերը՝ ասել է, որ որքան քիչ զենք է մատակարարվում Ուկրաինային, այնքան ավելի մոտ է հատուկ ռազմական գործողության ավարտը։

Հինգշաբթի օրը Economist-ը, հղում կատարելով ուկրաինացի պաշտոնյաներին, հաղորդել է, որ փաստացի կասեցվել են ԱՄՆ-ից բոլոր զենքի մատակարարումները, ներառյալ ռմբագնդերն ու պահեստամասերը։