ՊԵԿԻՆ, 3 ՀՈՒԼԻՍ․ Մարդկությունը պետք է հիշի անցյալ դարի երկու համաշխարհային պատերազմների դառը դասերը և իմաստություն քաղի պատմությունից։ Այս մասին հինգշաբթի օրը հայտարարեց Չինաստանի փոխնախագահ Հան Չժենը։

«Անցած դարի երկու համաշխարհային պատերազմները բոլոր երկրների ժողովուրդներին աննախադեպ աղետներ բերեցին։ Մարդկությունը պետք է հիշի պատերազմի ցավալի դասերը և ավելի լավ օգտագործի պատմությունից սերված իմաստությունն ու ուժը»,― ասաց Հան Չժենը «Խաղաղության գլոբալ ֆորումի» 13-րդ գագաթնաժողովի բացման ժամանակ։

Նրա խոսքերով՝ «ռազմական ուժը միջազգային վեճերը լուծելու սխալ միջոց է, այն միայն սրում է ատելությունն ու հակասությունները»։ Նա ընդգծեց, որ «մարդկությունը չի կարող վերադառնալ «ջունգլիների օրենքին», որտեղ հաղթում է ամենաուժեղը, և չի կարող թույլ տալ, որ գերիշխի հեգեմոնիան, որը ճանաչում է միայն իրեն»։

«Աշխարհում տիրող քաոսի ու ցնցումների պայմաններում բոլոր կողմերը պետք է կրեն համատեղ պատասխանատվություն, ամուր պաշտպանեն Միավորված ազգերի կազմակերպության հեղինակությունը, վճռականորեն պաշտպանեն ՄԱԿ-ի կենտրոնական դերը ունեցող միջազգային համակարգը, ամուր պահեն միջազգային իրավունքին համապատասխան կարգը, ինչպես նաև միջպետական հարաբերությունների հիմնական նորմերը»,― ասաց նա։