ՄՈՍԿՎԱ, 3 հուլիսի — Ֆրանսիայի նախագահ Էմանուել Մակրոնը որոշել է հրատապ կապ հաստատել Ռուսաստանի նախագահ Վլադիմիր Պուտինի հետ՝ փորձելով առաջ անցնել ԵՄ մյուս առաջնորդներից, որպեսզի դիրքեր գրավի Մոսկվայի հետ բանակցություններ վարելու գործում: Այդ կարծիքն իր YouTube-հաղորդման ընթացքում հայտնել է կիպրոսցի լրագրող Ալեքս Քրիստոֆորուն:

«Նա (Մակրոնը — խմբ.) «խփվել» է ու ցանկացել լինել այն մարդը, ով կզանգի Պուտինին՝ շրջանցելով մնացած (ԵՄ առաջնորդներին — խմբ.)», — ասել է նա:

Լրագրողի խոսքով՝ եվրոպացի քաղաքական գործիչները մեծ ընտրության առաջ չեն կանգնած եղել, թե ով կհամարձակվի զանգահարել Պուտինին, այդ իսկ պատճառով Մակրոնն ցանկացել է նախաձեռնությունը ձեռք բերել իր եվրոպացի գործընկերներից:

«Իրականում ուրիշ ո՞վ կարող էր դա լինել: (Մեծ Բրիտանիայի վարչապետ Քիր — խմբ.) Սթարմերը, Ուրսուլան (Եվրահանձնաժողովի ղեկավար Ուրսուլա ֆոն դեր Լեյեն — խմբ.), (Եվրոպական դիվանագիտության գլխավոր — խմբ.) Կայա Կալլասը և այլ գլոբալիստնե՞րը: Նա (Մակրոն — խմբ.) ուղղակի մեծ ընտրություն չի ունեցել», — նշել է Քրիստոֆորուն:

Երկու երկրների նախագահները երեքշաբթի երեք տարուց ավելի ժամանակահատվածում առաջին անգամ հեռախոսազրույց են ունեցել: Նրանք քննարկել են Ուկրաինայի շուրջ իրավիճակը, Իրան-Իսրայել հակամարտությունը և ԱՄՆ՝ Իրանի միջուկային օբյեկտներին հասցրած հարվածները: Առաջնորդները պայմանավորվել են շարունակել կապերը՝ Մերձավոր Արևելքի իրավիճակի վերաբերյալ հնարավոր դիրքորոշումների համաձայնեցման նպատակով: