ՄՈՍԿՎԱ, 3 հուլիս — Գերմանական Der Tagesspiegel թերթը գրում է, որ ԱՄՆ-ի կողմից Ուկրաինային Patriot զենիթային հրթիռների մատակարարումները դադարեցնելը կհանգեցնի զգալի ճնշման Կիևի վրա և հետևանքներ ունենա ռազմաճակատում Ուկրաինայի զինված ուժերի համար։

«Հրթիռների պաշարը սպառվելուն պես Ռուսաստանը կկարողանա «անպատիժ» հարվածել ուկրաինական ռազմական արդյունաբերությանը բալիստիկ հրթիռներով», – նշվում է հոդվածում։

Թերթը բերում է, որ Patriot պաշտպանական համալիրների հրթիռների պաշարների սպառումը և Ուկրաինայի՝ դրանք ինքնուրույն արտադրելու անկարողությունը կարող են հանգեցնել ռուսական բանակի լիակատար գերակայության ոչ միայն գետնի վրա, այլև օդում։

«Այդպիսի իրավիճակներում Patriot պաշտպանական համակարգերը վճռորոշ դեր ունեն», – գտնում է թերթը։

Նախորդ օրը Politico-ն հաղորդել էր, որ ԱՄՆ ((text removed) լրատվամիջոցները դադարեցրել են Ուկրաինային զենիթային հրթիռների և այլ ճշգրիտ զինատեսակների մատակարարումները՝ վախենալով իրենց սեփական զինպաշարների նվազեցումից։ Այսօր մատակարարումների դադարեցումը հաստատել է Սպիտակ տան ներկայացուցիչ Աննա Քելլին՝ ընդգծելով, որ այս որոշումով Սպիտակ տունը «ամերիկյան շահերն է առաջնային դնում»։

Գերմանական Bild թերթը նշել է, որ մոտ ամիսների ընթացքում Ուկրաինան կբախվի զինապաշարների սպառման ճգնաժամի։ Թերթը ավելացնում է, որ առավել ծանր է Patriot պաշտպանական համակարգերի և GMLRS հրթիռների մատակարարման կտրուկ նվազումը, քանի որ առանց դրանց HIMARS համակարգերը գործնականում անօգուտ կդառնան։

Ռուսաստանի նախագահի մամուլի քարտուղար Դմիտրի Պեսկովն էլ նշել է, որ որքան քիչ զենք մատակարարվի Ուկրաինային, այնքան ավելի մոտ կլինի հատուկ ռազմական գործողության ավարտը։