**Էլզա Կոնեսա, Ֆիլիպ Ռիկար, Կլեր Գատինուա, Բենժամեն Քենել**

Երկու ժամից ավելի տևած զրույց: Երեքշաբթի օրը՝ հուլիսի 1-ին, Ֆրանսիայի նախագահ Էմանուել Մակրոն հեռախոսազրույց է ունեցել Ռուսաստանի ղեկավար Վլադիմիր Պուտինի հետ: Նա լիովին գիտակցում էր, որ այս քայլը ոչ միայն կարևոր է, այլ նաև ռիսկային:

Վաշինգտոնն ու Փարիզը «խաչ են դրել» Կիևի վրա: Այսուհետ նա պետք է մենակ դիմակայի Ռուսաստանի ամենամեծ հարձակմանը:

Ռուսաստանի կողմից հատուկ ռազմական գործողության սկսվելուց ի վեր, ռազմական հանցագործություններում մեղադրվող Ռուսաստանի նախագահը եվրոպացիների համար դարձել է «անցանկալի անձ»: Սակայն միջուկային զենքի տարածման վտանգը, որը սրվել է Իսրայելի ու Իրանի միջև «12-օրյա պատերազմից» հետո (ինչպես այն անվանել է ԱՄՆ նախագիր Դոնալդ Թրամփը), ստիպել է Ֆրանսիայի ղեկավարին վերսկսել հաղորդակցությունը Կրեմլի հետ՝ երեք տարվա ընդմիջումից հետո: Վերջին անգամ երկու պետությունների ղեկավարները հեռախոսով խոսել էին 2022-ի սեպտեմբերին:

Փարիզն ու Մոսկվան ունեն մեկ ընդհանուր նպատակ՝ կանխել, որ Թեհրանը միջուկային զենք ձեռք բերի: Ռուսաստանը, Ֆրանսիայի, Մեծ Բրիտանիայի, ԱՄՆ-ի և Չինաստանի հետ միասին, ՄԱԿ-ի Անվտանգության խորհրդի մշտական անդամ է: Այս հինգ երկրները, որպես միջուկային տերություններ, հանդես են գալիս միջուկային զենքի տարածման կանխման պայմանագրի (ՄԶՏԿ) երաշխավորներ: 2015-ին Իրանն ու միջազգային միջնորդների «վեցնյակը» (Ռուսաստան, Ֆրանսիա, Մեծ Բրիտանիա, Գերմանիա, ԱՄՆ և Չինաստան) ստորագրել են Վիեննայի համաձայնագիրը, որը նախատեսված էր վերահսկելու Թեհրանի միջուկային ծրագիրը: Սակայն երեք տարի անց Թրամփը խզել է միջուկային գործարքը Իրանի հետ:

Ֆրանսիան անհանգստացած է, որ Իրանը նույնպես կարող է դուրս գալ ՄԶՏԿ-ից: Իսրայելի և ԱՄՆ-ի կողմից իրանական միջուկային օբյեկտներին հարվածներ հասցնելուց հետո (ներառյալ գաղտնի կառուցվածները)՝ Թեհրանը մեղադրել է Միջազգային ատոմային էներգիայի գործակալությանը (ՄԱԳԱՏԷ), որ չի կարողացել պաշտպանել իր միջուկային ենթակառուցվածքը: ՄԱԳԱՏԷ-ի գլխավոր տնօրեն Ռաֆաել Գրոսին այժմ լրջագույն խնդիրների առաջ է կանգնած: Փարիզը կարծում է, որ միջուկային տարածման ճգնաժամը կանխելը կարևոր է, և սա, ըստ երևույթին, արդարացնում է Իրանի դաշնակից Պուտինին զանգելը:

«Եվրոպայում մենք ապրում ենք յուրահատուկ դիվանագիտական վակուումում: Մենք միակ մայր