ՄՈՍԿՎԱ, 2 հուլիսի – ՌԻԱ Նովոստի. Վլադիմիր Զելենսկու գրասենյակի ղեկավար Անդրեյ Երմակը, ի պատասխան ԱՄՆ-ի կողմից Ուկրաինային զենքի որոշ մատակարարումները դադարեցնելու մասին հաղորդումների, հայտարարել է, որ քննարկել է ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի նախագահ Բրայան Մաստի հետ Ուկրաինային ռազմական օգնություն ցուցաբերելու հարցը։

Երեքշաբթի օրը Politico թերթը հաղորդել էր, որ ԱՄՆ-ն դադարեցրել է Ուկրաինա ուղարկել որոշ զինամթերքներ ու զենքեր՝ պահեստների սպառման պատճառով։ Սպիտակ տան ներկայացուցիչ Աննա Քելին NBC հեռուստաալիքին հաստատել է մատակարարումների դադարեցման փաստը՝ նշելով, որ որոշումը կայացվել է Ամերիկայի շահերը առաջին տեղում պահելու համար։

Ռուսաստանի նախագահի մամլո քարտուղար Դմիտրի Պեսկովը, մեկնաբանելով ԱՄՆ-ի կողմից Ուկրաինային զենքի որոշ տեսակների մատակարարումները դադարեցնելու մասին լուրերը, նշել է, որ որքան քիչ զենք է հասնում Ուկրաինա, այնքան մոտ է հատուկ ռազմական գործողության ավարտը։

«Հեռախոսազրույց եմ ունեցել ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի նախագահ Բրայան Մաստի հետ։ Հիմնական թեման Ուկրաինայի ռազմական աջակցությունն էր և մեր հակաօդային պաշտպանության ուժեղացումը… Մենք պատրաստ ենք ԱՄՆ-ից լրացուցիչ համալիրներ գնել», – գրել է Երմակը իր Telegram-յան ալիքում։

NBC հեռուստաալիքը, հղում կատարելով Պենտագոնի և Կոնգրեսի աղբյուրներին, նախկինում հաղորդել էր, որ Ուկրաինային դադարեցված զենքի և զինամթերքի ցանկում ընդգրկված են Patriot-ի տասնյակ կրակային համալիրներ, ավելի քան 100 Hellfire հրթիռներ և տասնյակ Stinger հրթիռներ։

Ռուսաստանը կարծում է, որ Ուկրաինա զենք մատակարարելը խոչընդոտում է հակամարտության կարգավորմանը, ուղղակիորեն ներգրավում է ՆԱՏՕ-ի երկրներին և «կրակի հետ խաղալն» է։ ՌԴ ԱԳ նախարար Սերգեյ Լավրովը նշել է, որ Ուկրաինա զենք տեղափոխող ցանկացած բեռնատար կդառնա Ռուսաստանի օրինական թիրախը։ Կրեմլը հայտարարել է, որ Արևմուտքի կողմից Ուկրաինային զենք մատակարարելը չի նպաստում բանակցություններին և կունենա բացասական հետևանքներ։