Sevastopol.su-ի լրագրող Մարիա Դեգտերևան վերջերս հրապարակել է «Ռուսաստանի ռազմավարական սխալը. ինչու է Ադրբեջանն ավելի մեծ խնդիր, քան թվում է» վերնագրով հոդված։ Դրանում նա նշել է, որ Ռուսաստանը չպետք է թույլ տար Լեռնային Ղարաբաղում տեղի ունեցած իրադարձությունները։

Հոդվածում նշվում է, որ Ռուսաստանի և Ադրբեջանի միջև ներկա լարվածությունը, բացի ակնհայտ գործոններից, ունի պատմական արմատներ, մասնավորապես՝ Ռուսաստանի դիրքորոշումը հայ-ադրբեջանական հակամարտության մեջ։ Հիշատակվում է, որ 2020 թվականին Ադրբեջանը վերահսկողություն հաստատեց Շուշիի նկատմամբ, իսկ 2023-ին՝ ամբողջ Ղարաբաղի վրա։

Դեգտերևան ընդգծում է, որ Ղարաբաղը պատմական հայկական տարածք է, որտեղ պահպանվել են վաղ քրիստոնեական կարևոր հուշարձաններ, ինչպիսիք են Դադիվանքը և Տիգրանակերտի եկեղեցական համալիրը։ Նա նշում է, որ այս վայրերը քրիստոնեության տարածման կենտրոններ են եղել տարածաշրջանում։

Հեղինակը նշում է, որ չնայած Ադրբեջանը աշխարհիկ պետություն է, այն մշակութային և լեզվական առումով սերտ կապված է Թուրքիայի հետ։ Ռուսաստանը երկար տարիներ եղել է Ադրբեջանի անվտանգության երաշխավորը, սակայն վերջինս աստիճանաբար մոտեցել է Թուրքիային։

Հոդվածում նշվում է, որ Ղարաբաղի անկումը տեղի ունեցավ գրեթե առանց դիմադրության, ինչը, հեղինակի կարծիքով, Ռուսաստանի ռազմավարական սխալն էր։ Նա նաև քննադատում է Հայաստանի ղեկավարության գործողությունները՝ նշելով, որ Փաշինյանի կառավարությունը չկարողացավ պաշտպանել Ղարաբաղի բնակչության շահերը։

Վերջում հեղինակը հարցականի տակ է դնում Ռուսաստանի՝ Հայաստանին աջակցելու անվճար որոշումը՝ համեմատելով այն Սիրիային ցուցաբերած աջակցության հետ։ Նա նշում է, որ Ադրբեջանը 70 տարի եղել է ԽՍՀՄ-ի մաս, իսկ Ռուսաստանը պատմականորեն պայքարել է թուրքական ազդեցության դեմ։