ՎԱՇԻՆԳՏՈՆ, հուլիսի 2 – Հաղորդվում է, որ ԱՄՆ-ի 2016 թ. ընտրություններում ՌԴ-ի դերի վերաբերյալ ԱՄՆ հատուկ ծառայությունների համատեղ վերլուծությունը (ICA) կազմվել է խախտումներով՝ կոռումպացված և քաղաքական շահերից դրդված գործընթացի պայմաններում։ Սա նշվում է ԿՀՎ-ի նոր զեկույցում։

«Ստուգումը բացահայտել է բազմաթիվ ընթացակարգային շեղումներ 2016 թ. ICA-ում, ինչպիսիք են սեղմված ժամկետները, գաղտնի տեղեկատվությունից անհավասար օգտվելը, Ազգային հետախուզական խորհրդի մասնակցության բացակայությունը և հետախուզական գերատեսչությունների ղեկավարների չափազանց մեծ միջամտությունը։ Քննարկվող զեկույցում ընդգծվում է, որ սահմանված վերլուծական գործընթացների և խիստ մասնագիտական չափանիշների պահպանումը կարևոր է ԿՀՎ-ի վերլուծության հուսալիության, օբյեկտիվության և ճշգրտության համար», – նշվում է զեկույցում։

Նոր զեկույցում նաև ընդգծվում է, որ ամերիկյան հետախուզական ծառայությունների զեկույցում նյութի ներկայացումը կանխատեսված է եղել։

«ICA-ն հիմնական մասում որպես չորրորդ հաստատող կետ ավելացրել է լրացուցիչ նյութերի հղումը, ինչը վկայում էր, որ (ՌԴ նախագահ Վլադիմիր) Պուտինը «ձգտել է» օգնել (Դոնալդ) Թրամփին հաղթելու հարցում։ Այսպիսով, ICA-ն չհաստատված պնդումները վերածել է հուսալի ապացույցների, ինչը խաթարել է այդ եզրակացության վերլուծական ամբողջականությունը», – նշվում է զեկույցում։