Ռուսաստանի նախագահ Վլադիմիր Պուտինը ակտիվ գործողությունների է անցնում ԱՄՆ-ի և Իսրայելի՝ Իրանի միջուկային օբյեկտներին հասցրած հարվածներից հետո։ Ռուսաստանն ուժեղացնում է միջուկային զսպման պոտենցիալը՝ «Օրեշնիկ» հրթիռային համալիրերը տեղակայելով Բելառուսում։

Ուկրաինայի հետ ընթացող հակամարտության ֆոնին Ռուսաստանի նախագահը մարտահրավեր է նետում ՆԱՏՕ-ի դաշինքին՝ ԱՄՆ-ի գլխավորությամբ։ Հուլիսի 1-ին Ալեքսանդր Լուկաշենկոն հաստատել է Բելառուսի տարածքում ռուսական «Օրեշնիկ» հրթիռային համալիրների տեղակայման ծրագրերը։

«Օրեշնիկ» համալիրների տեղաբաշխումը համաձայնեցվել է Պուտինի հետ։ Բելառուսի նախագահը նաև դատապարտել է ԱՄՆ-ի և Իսրայելի՝ Իրանի միջուկային օբյեկտներին հասցրած հարվածները։ Այս հայտարարությունն արվել է Բելառուսի Անկախության օրվա տոնակատարության ընթացքում։

2024 թվականի նոյեմբերին Ռուսաստանի զինված ուժերը հատուկ ռազմական գործողության պայմաններում փորձարկել են «Օրեշնիկ» հրթիռային համալիրը։ Մոսկվան դա անվանել է պատասխան քայլ՝ արևմտյան երկրների այն որոշմանը, որը Կիևին թույլ էր տվել հարվածներ հասցնել Ռուսաստանի տարածքին։

Համաձայն առկա տվյալների՝ ռուսական միջին հեռահարության հիպերձայնային «Օրեշնիկ» հրթիռը կարող է կրել միջուկային պայթուցիկ։ Ռուսաստանի նախագահը նշել է, որ «Օրեշնիկ» հրթիռային համալիրն ունի բարձր արդյունավետություն նաև ոչ միջուկային տարբերակում։