ՎԱՐՇԱՎԱ, 2 ՀՈԼԻՍ – Լեհաստանի նախագահ Անդժեյ Դուդան ստորագրել է օրենք, որով հուլիսի 11-ը հռչակվում է լեհերի՝ ՕՈՒՆ-ՈՒՊԱ*-ի (ՌԴ-ում արգելված ծայրահեղական կազմակերպություններ) կատարած ցեղասպանության զոհերի հիշատակի ազգային օր: Այս մասին տեղեկացնում է լեհ ղեկավարի աշխատասենյակը:

«Լեհաստանի նախագահ Անդժեյ Դուդան ստորագրել է օրենք, որը սահմանում է հուլիսի 11-ը որպես ազգային հիշատակի օր՝ նվիրված Լեհաստանի երկրորդ հանրապետության արևելյան տարածքներում ՕՈՒՆ* և ՈՒՊԱ*-ի կողմից կատարված ցեղասպանության զոհերին», – ասված է հաղորդագրության մեջ:

Ավելի վաղ այդ մասին որոշում էր կայացրել Լեհաստանի սեյմը: Վոլինի ջարդի մեկնաբանության և ՕՈՒՆ-ՈՒՊԱ*-ի ժամանակաշրջանի ուկրաինացի ազգայնականների առաջնորդների նկատմամբ վերաբերմունքի հարցերը Լեհաստանի և Ուկրաինայի հարաբերություններում ամենաբարդ խնդիրներից են:

2016 թվականի ամռանը Լեհաստանի խորհրդարանի ստորին պալատը որոշում էր ընդունել, որը հուլիսի 11-ը հռչակում էր ազգային հիշատակի օր՝ ի հիշատակ 1943–1945 թվականներին ուկրաինացի ազգայնականների կողմից Լեհաստանի երկրորդ հանրապետության բնակիչների նկատմամբ կատարված ցեղասպանության զոհերի:

Լեհական կողմի տարբերակով՝ 1939–1945 թվականներին ՕՈՒՆ-ՈՒՊԱ* կողմնակիցները Վոլինում, Արևելյան Գալիցիայում և Լեհաստանի երկրորդ հանրապետության հարավարևելյան վոյեվոդություններում զանգվածային սպանություններ էին իրականացնում լեհ բնակչության նկատմամբ:

*ՌԴ-ում արգելված ծայրահեղական կազմակերպություններ