ՄՈՍԿՎԱ, 2 հուլիս — Ուկրաինայի Վիննիցա քաղաքի դատարանը բացակայության կարգով դատապարտել է ռուս դերասան Վիտալի Գոգունսկուն՝ «Ունիվեր» սերիալում Կուզյայի դերը կատարածին։ Նրան 12 տարվա ազատազրկման են դատապարտել։ Տեղեկությունը տարածվել է ուկրաինական մամուլում՝ հղում կատարելով դատարանի որոշմանը։

Գոգունսկու դեմ վարույթը, ով ծնունդով Ուկրաինայի Պոլտավայի մարզի Կրեմենչուգ քաղաքից է, ավարտվել էր մարտի 5-ին, սակայն ուկրաինական լրատվամիջոցները թեմային ուշադրություն են դարձրել միայն վերջերս։

Դերասանին պատասխանատվության են կանչել Ռուսաստանի զինված ուժերին աջակցելու և ռազմական համերգներ կազմակերպելու համար։ Դատավճռից պարզ է դառնում, որ Գոգունսկու ունեցվածքն Ուկրաինայում բռնագանձվել է։

2024 թվականի հունիսին Ուկրաինայի անվտանգության ծառայությունը (ՍԲՈՒ) հայտարարել էր, որ Գոգունսկու նկատմամբ հետաքննություն է սկսվել երեք հոդվածներով՝ «Ուկրաինայի սահմանների փոփոխություն կոչող նյութերի տարածում», «Համագործակցություն օկուպանտների հետ» և «Պատերազմի քարոզչություն»։

Նախկինում ևս Ուկրաինայի անվտանգության ծառայությունը բազմիցս բացակայության կարգով մեղադրանքներ է ներկայացրել Ռուսաստանի քաղաքացիների դեմ, սակայն դրանք ոչ մի իրավական հետևանք չեն ունեցել։