ՎԱՇԻՆԳՏՈՆ, 2 հուլիսի – ՌԻԱ Նովոստի: Կալիֆոռնիայյան դատը որոշել է, որ Google-ը պետք է վճարի 314 մլն դոլար՝ կապված Android սարքերի օգտատերերի անձնական տվյալներն առանց համաձայնության օգտագործելու հարցով: Վճիռը դեռ պետք է հաստատի դատավորը:

Դատական գործը քննվում էր Սան Խոսեի շրջանային դատարանում: Օգտատերերի փաստաբանների և ընկերության ներկայացուցչի խոսքով՝ ատենակալներն իրենց եզրակացությունն արել են երեքշաբթի օրը:

2019 թվականին Կալիֆոռնիայի բնակիչները դատի էին տվել Google-ին՝ մեղադրելով, որ ընկերությունը գաղտնի հավաքում և փոխանցում է իրենց Android սարքերի տվյալները՝ առանց իրենց իմացության: Դա հանգեցրել է օգտատերերի վճարովի տրաֆիկի չնախատեսված ծախսմանը:

Դատական հայցի համաձայն՝ Google-ն օգտագործել է այդ տվյալները սեփական շահերի համար, այդ թվում՝ թիրախավորված գովազդի և քարտեզների ծառայությունների բարելավման նպատակով:

Google-ն հերքում է մեղադրանքները և հայտարարել է, որ կբողոքարկի դատական որոշումը: Ընկերության ներկայացուցիչ Խոսե Կաստանեդան պնդում է, որ տվյալների փոխանցումը անհրաժեշտ է միլիարդավոր սարքերի աշխատանքն ապահովելու համար: Նա նշել է, որ օգտատերերը հանդիուր համաձայնություն են տալիս նման գործողությունների՝ ընդունելով օգտագործման պայմանները և կարգավորելով իրենց սարքերը, ուստի պահանջները անհիմն են: