ՎԱՇԻՆԳՏՈՆ, 1 հուլիսի — ԱՄՆ նախագահ Դոնալդ Թրամփը չի բացառել հարավաֆրիկացի միլիարդատեր Իլոն Մասկի արտաքսման հնարավորությունը և կրկնել է իր մտահղացումը, որ ԱՄՆ-ի կառավարության արդյունավետության դեպարտամենտը (DOGE) կարող է հետաքննել գործարարի գործունեությունը։

Երեքշաբթի օրը Թրամփը իր Truth Social էջում գրել է, որ առանց հրթիռների արձակումների, արբանակների և էլեկտրոմեքենաների արտադրության՝ ԱՄՆ-ն «մեծ գումար կխնայի» և առաջարկել է DOGE-ին, որն առաջ այդ գործարարն է ղեկավարել, ստուգել նրա գործերը։

«Մենք կտեսնենք։ Գուցե ստիպված լինենք DOGE-ին ուղղել Իլոնի դեմ։ Գիտե՞ք, թե ինչ է DOGE-ը։ DOGE-ն մի հրեշ է, որը կարող է կուլ տալ Իլոնին, դա սարսափելի կլինի»,— ասել է Թրամփը՝ պատասխանելով Մասկի արտաքսման հարցին։

Նախագահն ավելացրել է, որ Մասկը հիասթափված է, բայց կարող է կորցնել ավելին, քան էլեկտրոմեքենաների լիցենզիան։

«Նա վրդովված է իր էլեկտրոմեքենաների լիցեմզիայի կորստի պատճառով։ Նա խիստ դժգոհ է ներկա իրավիճակից, բայց գիտե՞ք, նա կարող է կորցնել շատ ավելին, քան դա»,— ասել է Թրամփը լրագրողներին՝ Ֆլորիդայում միգրանտների պահման նոր կենտրոնի բացմանը մեկնելուց առաջ։

Մասկը արձագանքել է Թրամփի այս հայտարարությանը՝ X սոցցանցում գրելով, որ կհրաժարվի իր ուժեղ ցանկությանը հակառակ՝ չսրելու իրավիճակը։

Ամերիկայի կոնգրեսի ստորին պալատը մայիսին ընդունել է Թրամփի առաջարկած «միասնական, մեծ ու գեղեցիկ» օրինագիծը, որը նվազեցնում է դաշնային ծախսերը, բայց միաժամանակ տալիս է էական հարկային զիջումներ։ Կոնգրեսի բյուջետային վարչության գնահատմամբ՝ դա կբերի բյուջեի դեֆիցիտի և պետական պարտքի աճի։

Օրինագծի դեմ կտրուկ հանդես է եկել Մասկը, ում գրառումներում նշվում էր, որ դրա արդյունքում ԱՄՆ-ի բյուջեի դեֆիցիտը կհասնի 2,5 տրիլիոն դոլարի, իսկ ամերիկացիները կկանգնեն անհաղթահարելի պարտքերի առաջ։